KURUBIOA

Lauaxeta

2012-03-01T23:08:00.001+01:00

LAUAXETA
Glogster: ITAUNA

Eder yatazan euzko basterrak,

eder itxaso zabala;

baña oraintxe ederrago yat

eriotz orren itzala.

Lauaxeta ibilbide literarioa (Mungia BHI)

Segurtasuna sarean

2012-02-24T18:41:00.000+01:00

Otsailaren 22 eta 23an, 5. eta 6. mailakoek "Segurtasuna sarean" izeneko ikastaro bat izan dute. Ikastaro hau Ertzaintzak eman du eta helburua ikasleei, sarean dauden arriskuei buruz eta erabilpen egokia egiteko, informazioa ematea izan da.
Gurasoentzako ere, gaiarekin lotuta, hitzaldi bat antolatu da otsailaren 23an arratsaldeko 17:30etan. Bilera honetan ertzain batek kontsultatzeko webgune batzuen estekak utzi dizkigu:

Literatur solasaldiak/tertulias literarias

2012-02-15T00:15:00.000+01:00

ARTE ETA KULTUR GAITASUNA: Literatura ulertzeko eta hobeto interpretatzeko 6.mailan Literatur solasaldiak antolatzen hasi gara. Bi liburu aukeratu dira hasteko: "On Kixote Mantxakoa" eta "Printze txikia"

Printze txikia

El principito

¿Qué es una TERTULIA LITERARIA?

Una práctica letrada basada en la participación de todxs con el objetivo de dar sentido a un texto y compartirlo mediante el diálogo igualitario.

Ikasleekin praktika hau hasi baino lehen, arau batzuk ezartzen dira:

1. Iritzi guztiak errespetagarriak dira.

2. Hizketa txandak errespetatzen dira.

3. Gai bat bukatuko da beste paragrafobatekin hasi baino lehen, haririk ez galtzeko.

4. Ezinbestekoa da guztien kolaborazioasolasaldiaren garapenean (moderatzaileak...)

2012-02-13T02:04:00.000+01:00

ImageChef.com Poetry Blender

Karetak egiteko ereduak

Euskal Herriko ihauteriak GELA PDI

Klima aldaketa

2012-02-11T01:11:00.000+01:00

Tiching bilatzailea , edukinak bilatzeko.

Infografia. Klima aldaketaren aurka borrokatzeko modu bi

2012-02-10T17:33:00.001+01:00

Otsaileko 15ean Sestaoko Berritzegunean (B03), Google Apps gaiarekin topaketa bat antolatu da.
Talde bat ireki da Google Groups-en: EEGapps

2011ko Pintxo lehiaketa

2012-02-07T00:28:00.002+01:00

Hemen dugu Mikel Laboaren ahots ahaztezinarekin gure zikloan antolatutako 2011ko pintxo lehiaketaren aurkezpena, une onak gogoratzeko. Mila esker Kontxiri eskeinitako argazkiengatik.
Pintxo lehiaketa 2011 on PhotoPeach

Matrikula zaitez Legarda eskolan

2012-02-06T19:47:00.001+01:00

Hona hemen gurasoek egindako slideshow-a PhotoPeach-en.
Matrikulazio epean gaude eta Legardan matrikulatzeko deialdi berezia egiten dute, eskolan egindako ekintza batzuk gogoratuz.
Matrikula zaitez Legarda eskolan on PhotoPeach

Aurrematrikulazioa

2012-01-29T14:12:00.010+01:00

Eskola publikoaren aurrematrikulazio epea urtarrilaren 30ean hasiko da.
30 de enero. Inicio del período de matriculación en la Escuela Pública Vasca.
Iturria: IKASTEA
EGUTEGIA
Izena emateko epea:

On line: 2012ko urtarrilaren 30etik otsailaren 9ra
Ikastetxean: 2012ko urtarrilaren 30etik otsailaren 10era

Eskaerak aurkezteko epea: 2012ko urtarrilaren 30etik otsailaren 10era. Aukeratutako lehengo ikastetxean baino ez dira entregatuko eta ikastetxe honek erabakitako ordutegian.
Eskatzaileen zerrenda argitaratzeko: 2012ko otsailaren 16an
Behin-behineko zerrendak argitaratzeko: 2012ko martxoaren 9an
Behin-behineko zerrendei erreklamazioak egiteko: 2012ko martxoaren 21era arte
Eskabideari uko egiteko: 2012ko martxoaren 21era arte
Behin betiko zerrendak argitaratzeko: 2012ko martxoaren 28an
Zerrendak argitaratzeko (2. eta 3. aukerak): 2012ko martxoaren 30ean
Behin betiko zerrendei gora jotzeko errekurtsoak jartzeko: 2012ko apirilaren 30era arte

Zerrenda guzti hauek ikusgai egongo dira eskatutako lehenengo ikastetxean.

On line: del 30 de enero al 9 de febrero de 2012
En el centro educativo: del 30 de enero al 10 de febrero de 2012

Entrega de documentación: del 30 de enero al 10 de febrero de 2012. Se realizará exclusivamente en el centro educativo elegido en primer lugar, dentro del horario de secretaría que éste haya establecido.
Publicación listado de solicitantes: 16 de febrero de 2012
Publicación de listas provisionales: 9 de marzo de 2012
Reclamaciones a las listas provisionales: hasta el 21 de marzo de 2012
Desistimiento de la solicitud: hasta el 21 de marzo de 2012
Publicación de listas definitivas: 28 de marzo de 2012
Publicación listas segundas y terceras opciones: 30 de marzo de 2012
Recurso de alzada a las listas definitivas: hasta el 30 de abril de 2012
Los listados podrán consultarse en el centro educativo solicitado en primer lugar
ARAUAK- INSTRUCCIONES

Euskaraz

Gaztelaniaz

Bizkaiko Hezkuntzako Lurralde Ordezkaritza

Gran Vía, 85

48011 Bilbao

Tel.: 94.403.10.69 / 94.403.10.94 / 94.403.10.95 / 94.403.10.96

Fax: 94.403.26.00

E- mail: huisb018@ej-gv.es

Matrikula zaitez Eskola publikoan!

OHARRA: ATE IREKIEN JARDUNALDIA

Lauaxeta BHItik Ate irekien jardunaldiaren bilerarako deialdia heldu zaigu 6. mailakoen familientzat. Otsailaren 1ean, asteazkena, izango da San Pedroko jantokian, arratsaldeko 18:00etan euskaraz eta 19:00etan gaztelaniaz.

Oso bilera garrantzitsua aurrematrikulazioari buruzko zalantzak argitzeko, besteak beste.

Desde el IES Lauaxeta nos ha llegado para las familias del alumnado de 6º la convocatoria de la Jornada de puertas abiertas. Será en el comedor de San Pedro el día 1 de febrero a las 18:00 en euskera y a las 19:00 en castellano
Una reunión muy importante para aclarar, entre otras, dudas sobre el proceso de prematrícula.

Glog batzuk

2012-01-23T22:15:00.004+01:00

Glogsterren egindako migrazioarekin, lekuz aldatu behar izan ditugu poster digitalak; nire kasuan, Glogster arruntetik EDUra. Hementxe daude horietariko batzuk:

bat-bi-hiru-lau

20-pausuka

euskal-musika-oskorri

Ura, birziklaketa, mugikortasuna...

2012-01-16T00:33:00.002+01:00

YouTubeko helbide honetan uraren zikloa, birziklaketa, mugikortasuna eta abarreko bideoak ikus ditzakegu. Gure unitate didaktikoak osatzeko oso baliabide onak dira.

Kontsumo arduratsua

2012-01-11T00:38:00.000+01:00

Etxean zein eskolan kontsumoaz arduratzen gara.

CONSUMOPOLIS

Gai hau lantzeko eta kontsumo-gizarte arduratsuagoa eratzeko asmoz, sortu zen gune hau.

Aldizkariak, fitxa pedagogikoak eta jokuak aurki ditzakegu. Lehiaketetan parte hartzeko aukerak, jarduera eta esperientzia asko ere eskaintzen dizkigu webgune honek.

Avatar bat sortzeko modu erakargarri bat ;)

Euskal aditza

2011-12-29T18:21:00.001+01:00

Garikoitz Knörr de Santiago filologoak, aditzak euskaraz ondo jokatzeko eta ikasle, irakasle, kazetari eta beste profesional batzuei laguntzeko, web orri bat sortu zuen: ADITZAK.com

Irudian ikusi ahal den bezala, beheko zutabeetatik modua, aldia, mota e.a. aukeratu eta gero, goiko arbelean agertzen da aditza esaldi batean txertatuta.
Oso baliabide interesgarria eta erabilgarria da idazmena eta mintzamena lantzeko.

Ipuina: LIBURUAN SARTUTA

2011-11-27T18:55:00.003+01:00

Google docs erabiliz.

Bertsolaritza "Ai Zapotxin"

2011-11-26T23:59:00.014+01:00

BERTSOLARITZA (Agrega)

Eskola honetako proiektuen artean Bertsogintza lantzen da.

6. mailakoak hainbat saiotan Unai Ormaetxearekin bertsoak abesten eta sortzen egon dira. Lan oparoa egin dute. Hona hemen berak utzitako txostentxoa:

Unai Ormaetxea naiz. Zornotzakoa. 37 urte ditut eta jadanik 15 ikasturte egin ditut bertsolaritza eta ahozkotasuna klaseak ematen Bizkaiko eskolatan (publiko, pribatu…) irakaskuntza arautuan.

Gehienetan 6. mailan ematen da proiektua, baina 5. mailatan ere hasten dira batzuk (kurrikulumean 3. zikloaren eskakizuenei kasu eginez), eta aitzindariak ere izan gara ahozkotasuna ikastetxeetan lantzen, batez ere DBH 1ean.

Ahozkotasuna lantzeko premia dago eskola guztietan eta bertsolaritzak horretarako erreminta guztiak ditu; dena dela, beste material pila batekin osatu dugu gure materiala, honela, irakaskuntza osatu bat lortuz, musika transmizioa, sorkuntza… bermatuz.

Jolargarria eta emankorra deritzogu gurea! Hargatik hainbeste urtetako atxikimendua elkartearekiko eta proiektu honekiko.

Azken notizia batek ere bermatzen du gure lana. Hezkuntza Sailak material onenari saria eman berri digu, beraz horra, gure bermea.

Baita irakasle taldean ere, izan ere, danok gaude lizentziatuak irakaskuntzan eta gainerako kursillo osagarriak emanda ere, gela baten ematen diren errealitate guztiei aurre egin ta "jantzita" egoteko. Partikularki nire berri gehiago bestela, sarean izango da.

EGINDAKOA IKASTAROAN

"Ama begira" zazu ta "Ikusi nuenean" kantuekin bertsolaritzaren oinarriak tinkatu ditugu, ia ai beraiek konturatu barik danak harian sartuaz, sortuaz.

Hurrengo bi kantuekin "furra-furra" ta "Ai zapotxin" ekoizpenak egin ditugu, eskolarako baliagarriak direnak, euskararen eguna zein bertako edo beste eskolekin egiteko ekitalditan erabiltzeko.

4 kantu hauekin bukatzeko, "lauko txikia"(neurri hortakoak direlako) deitutakoekin amaitzeko azken lan bat egin dugu "Bilintx"en bizitzari buruzkoa. Modu hontan bertsolari zahar baten bizitza entretenigarria ikasiz eta bide batez bertso- komiki bat sortuz, azken lan- ebaluaketa osatuz.

Ta azken egunean, beste neurri batzuk daudela ikusteko lauko handitan "aita-semeak" kanta dogu, lauko handi bat osatu, ta Bilintxekin bezala "txirrita"ren bizitzaren gainean eginiko beste bertso-komiki batekin bukatu.

Uste dut lan ona egin dela, oinarrizko jakintzak gustuz bermatuz, jolastuz, ondo pasatuz ta sortuz, haserako helburuak bete direlarik.

Eginikoa hor dago dena dela, irakasle bakoitzak segida eman diezaiokelarik proposamenari.

Uste dugu lan BIKAINA egin dela Unairen partez (oso ona zara, Unai!) eta eginikoaren zati bat hemen dago.
Segida emango diogu bere proposamenari, zer esanik ez, baina zaila da berak bezain ondo egitea.

Ai Zapotxin

Ez dago zer egin

guraso eta

irakasleekin.

Ohetik jaiki behar

goizero goizero

berriro ohera nahi

pixa egin ta gero.

Gosaldu eta bizkor

goaz eskolara,

idazmahaien gainean

lokartuko gara.

Ai Zapotxin

Ez dago zer egin

guraso eta

irakasleekin.

Jolasordua labur

ta klasea luze

horretan dugu mundu

aldrebesa hauxe.

Bagoaz jantokira

bazkalordurako

ta beti jaten dugu

gutxi eta txarto.

Ai Zapotxin

Ez dago zer egin

guraso eta

irakasleekin.

Bazkaldu eta gero

berriro klasera

amaitzeko ordua

helduko ote da?

Hainbeste irakasle

hainbeste tutore

libre libre utziko

bagintuzte hobe.

Ai Zapotxin

Ez dago zer egin

guraso eta

irakasleekin.

Eskola bukatuta

solfeo ta inglesa

horiek baino hobe da

igandeko meza.

Gauean eskolako

lanak etxerako

nik denbora gehiago

nahi dut neuretzako.

Ai Zapotxin

Ez dago zer egin

guraso eta

irakasleekin.

Aita ta amarekin

gero afaria

janari ona baina

atzoko ogia.

Afalostean pizten

dugu telebista

nik nahiago topera

jarri conpact disc-a

Ai Zapotxin

Ez dago zer egin

guraso eta

irakasleekin.

Logalea heltzean

ohera bagoaz

bi begiak itxita

hankak elkar joaz.

Ohean etzan eta

egin dugu amets

aurtengo oporrak bihar

bertan hasi baietz!

Ai Zapotxin

Ez dago zer egin

guraso eta

irakasleekin.

Ai Zapotxin

Ez dago zer egin

guraso eta

irakasleekin.

IKTak gure ikastetxean gauza interesgarriak egiteko erabiltzen ditugu

2011-11-08T18:04:00.012+01:00

Hementxe daukazue Irune eta biok Granadan aurkeztu genuen esperientzia. Testua euskaratu egin dugu eta Slidesharera igo dut. Azaroaren 30ean Alhondigara joango gara aurkeztera. Blog honetan informazio gehiago daukazue.

IKTak gure ikastetxean gauza interesgarriak egiteko erabiltzen ditugu

View more presentations from kurubioa
Estekak ikusi ahal izateko egin klik saguaren eskumako botoian eta aukeratu beste lehiatila batean zabaltzeko.

LIP DUB lehiaketa

2011-11-03T20:28:00.007+01:00

Mungiako Legarda eskolak Gaztea irratiko dida saioak antolatutako LipDub lehiaketan parte hartu du.
Finalistak gara! Bozkatzeko egin klik esteka honetan: http://www.eitb.com/eu/gaztea/lipdub/
Azaroaren 13ra bitartean bozkatu ahal izango dugu. 10 igaroko dira hurrengo fasera.
Bozkatzeko prozedura:
1. BOZKATU hitzaren gainean klik egin, Legardako LipDubean, jakina ;-) - Haz click en la palabra BOZKATU del LipDub de Legarda.

2. Bete ezazu galdetegia eskatzen diren datuekin- Completa el formulario con los datos que se piden.

3. BIDALI- Enviar

Proiektu interesgarri bat osatu dugu denon artean eta helburu interesgarri batekin, horregatik uste dut irabazi ahal dugula. Animatzen zara?

¡LEGARDA SE LO MERECE!

#kddBilbao

2011-11-01T02:50:00.010+01:00

@Juancarikt @agirregabiria

#kddBilbao on PhotoPeach

Mikel Agirregabiria @agirregabiria
Marian Calvo @Hautatzen
Carmen González @flosflorum
Egoitz Goikoetxea @egocast
Jon Hernández @jonhdzabaitua
Alejandro Folch Gascón @Allthose
Alazne Zarate @alaznez
IDOIALLANO @Idoiallano
Juan Carlos Guerra @Juancarikt
Inés Andrés @lajaines
Manuela Virto @Lavirto

ARGAZKIAK FLICKR
@Hautatzen @agirregabiria @otxolua @aomatoss @kurubioa @Achinech1
#kddBilbao taldea

Educar en Tecnología

2011-10-25T18:59:00.003+02:00

Urriaren 27an Deustuko Unibertsitateko Ingenieritza Fakultatean, 15:30etan, Hezkuntza Digitalaren Jardunaldiak izango dira.
Informazio gehiago: egitaraua eta izena emateko orria HEMEN
Pablo Garaizarren azkenengo postean, gai honi buruz, gehiago irakur daiteke..

Zientzia Astea

2011-10-23T23:12:00.001+02:00

Azaroaren 9tik 13ra Zientziaren, Teknologiaren eta Berrikuntzaren XI.Astea ospatuko da Bilbon, Alhondigan. Bost egun horietan ekitaldi eta jarduera ezberdinak izango dira:

Informazio gehiago HEMEN

Google

2011-10-23T03:04:00.002+02:00

Google aplikazioak sakonki ezagutzeko Maite Goñik sortutako site hau bisitatzea guztiz komenigarria da:
GOOGLE UNIBERTSOA
eta bide batez post honetan, bideotutorial baten bidez, SITE bat zelan irekitzen den azaltzen digu.

Flicrcc

Eskola 2.0ko III. Kongresua Granadan

2011-10-22T21:51:00.018+02:00

Urriaren 6, 7 eta 8an Granadan egon ginen Irune eta biok Eskola 2.0ko Kongresuan gure ikastetxeko esperientzia IKTekin azaltzeko. B07ko LHko aholkularia, Marije Uraga, ondoan izan genuen laguntzeko.

Esperientzia asko aurkeztu ziren, 60 bat, Granadako Kongresu Jauregian, Erkide guztietakoak, Euskal Autonomia Erkidegotik lau, hain zuzen ere:
Las TIC en las Comunidades de Aprendizaje
Proyecto Acer EUN Schoolnet como pilotaje en la Escuela 2.0 en la ESO
Trabajar las lenguas de manera integrada en la Web 2.0: una experiencia de trabajo colaborativo
eta gurea:
Utilizamos las TIC para realizar actividades interesantes en el centro

Hauxe aurkeztu genuen:

Open publication - Free publishing - More congreso

Eta bukatzeko sekulako LIP DUBa grabatu zen.

Irakasle agenda digitala sarean

2011-09-30T23:16:00.003+02:00

Badugu irakasle agenda online izateko aukera. Egin klik esteka honetan Artez Agenda eta hurrengo irudian

harpidetza egin ondoren, hurrengo pantaila ikusiko duzu

1go gunean dokumentuak igotzeko aukera dugu

2. gunean urteko plangintza idazteko aukera

3.a da eskola ordutegia idazteko gunea

4.a helbidetegi bat gordetzeko da

5.ean astekako agenda izan ahal dugu

6. ean, berriz, ikasleen notak eta hutsegiteak gordetzeko gunea da

7.ean taldearen jarraipena egin ahal izango dugu

8. gunea dugu bilera fitxak osatzeko

Badaude beste aukera batzuk, esaterako, Jordi Martí-k xarxaTIC blogean proposatzen diguna: "El cuaderno del profesor un gasto innecesario"

2011-09-06T22:25:00.000+02:00

Ikasturte berri bat hasten dugu. Bihar, irailak 7, ikasleentzat lehenengo eguna izango da. Haien etorrera itxaroten ari gara gogo handiz ;-)

Irudiaren iturria: Flickrcc

Lipdub Legarda

2011-06-24T12:18:00.006+02:00

Hementxe duzue Legardan ilusio handiz denon artean prestatu eta lortu dugun lipduba.
Eskerrik beroenak Iñaki Lauzirikari, (inakidigital) grabazioarekin eta arlo teknikoan lagundu duelako eta baita partaide guztioi ere.
Malkoak erreprimitzea... alperrik!

Ongi etorria txitatxo berriei

2011-06-11T00:05:00.005+02:00

INKUBAGAILUA

TXITATXOAK

Haur Hezkuntzako irakasleek inkubagailu bat daukate gela batean eta txitatxo berri batzuk jaio dira! Harrigarria da! Ezin duzue galdu! Prozesua ikusi ahal izango dugu eskolan eta etxean, tutoreek grabatu egin dutelako.
Umeak poz pozik daude eta ez dakizue zein ondo zaintzen dituzten!

Gogoak" (Esne Beltza)

2011-06-08T16:14:00.001+02:00

ESNE BELTZA

Musika mota: reggae, ska, soul

GOGOAK (Esne Beltza)

It´s a new dawn, It´s a new day uh uh uh uh

It´s swi ftly gone by you know how I feel

Ohohohoh

Emaidazu berriro ongietorria

Zu zara nire poz guztien iturria.

Emaidazu berriro ongietorria

Gelditzeko nator eta!

Tren batean gurutzatzen diren begiradak

Barra ertzean ematen diren muxuak

Lo aurreko uneak amesten,

Amesten egunak joaten dira.

Hondartza horian egindako gazteluak

Ez dituzte olatuek eraitsiko,

Gure eskuekin marraztutako loreak

Ez ditu denborak ebakiko.

EMAIDAZU…

Le notti arrivano veloci

I giorni scappano

Dalle mie mani

Ricordi il treno

Nella nostra stazione

Invece qui la gente no ci parlate …

Loak hartu baino lehen esnatu nahi nuke

Loak hartu baino lehen amestu nahi nuke

E sogni

Aspaldiko garaien bidean galdurik

gogoratzen zaitudan bezala ikusi!!

Imagini, imagini, imagini

EMAIDAZU…

Imagini

E sogni

Di quella

Racogliemi di nuovo

Fra le tue braccia

Perchè sei tu la fonte

Della mia felicità

Racogliemi di nuovo

Tra le tua braccia

Perchè ritorno per restare

Ohohohoh

EMAIDAZU…

Legarda Eguna 2011-2

2011-06-05T00:06:00.004+02:00

Hona hemen Legarda Eguneko 2. aurkezpena. Jai bat baino gehiago...
Kurubioa on PhotoPeach

Legarda Eguna 2011- 2 on PhotoPeach

Legarda Eguna 2011

2011-05-29T22:19:00.011+02:00

Badakit hemen beste jarduera batzuen argazkiak falta direla (magia, antzerkia, Legardatxuko jolasak, zozketa, diskofesta eta abar) baina... ezin da une berean leku guztietan egon :) bestaldetik argazkilari gehiago ibili ziren argazkiak egiten, baita bideoak grabatzen ere; partekatuko ditugu dena ikusi ahal izateko.
ZORAGARRIA izan zen!!!
Kurubioa on PhotoPeach

Legarda Eguna 2011 on PhotoPeach

Segurtasuna sarean

2011-05-22T00:12:00.022+02:00

Guztiok dakigunez, gaur egun, IKT berriek gero eta garrantzi handiago dute gizartean baina, aldi berean, zailtasunak ekar ditzakete arlo desberdinetan. Guzti hau kontuan hartuta teknologia berriak modu seguru eta osasungarrian erabiltzeko informazio eta prestakuntza saio bat antolatu zen eskolan maiatzaren 18an, 13:00etatik-15:00etara. Horretarako, gurekin Araiz Zalduegi egon zen irakasle gelan segurtasuna sarean landuz, Interneten dauden arriskuei aurre egiteko proposamenak eskainiz eta kontuan hartu behar diren alderdi legalak azalduz.

Araiz Zalduegi PantallasAmigaseko prestakuntza- koordinatzailea da, Arte Ederretan lizentziatua eta Soziologian eta Psikologian unibertsitate-prestakuntza berezia.

Gai askotaz hitz egin zuen: Interneteko abantailak eta arriskuetaz, ziberbullying, grooming, netiketa, sare sozialak eta abar.

Gehiago entzuteko gogoagaz gelditu ginen, interesgarria izan baitzen eta oso era erakargarrian azalduta.

Datorren astean, 24an, Torrebillela Kultur Etxean izango da berriz ere, Gizarte Zerbitzuetako Partzuergoak antolatutako II Jardunaldian: Haurtzaroa, nerabezaroa eta Gizarte- sareak.

Gehiago daude baina aurrekoak erabilienak dira.
Aipatutako Jardunaldian pertsona hauek izango dira:
EHUko informazio- zientzietan doktorea Miguel Ángel Casado.
Iñaki Lakarra. EHUko informatika-ingeniaria. Mondragon Unibertsitateko irakaslea.
Jorge Campanillas. Informazio eta Komunikazio-teknologien Zuzenbidean aditua.
PantallasAmigas: Araiz Zalduegi

Zein garrantzitsua! eta, gure kasuan, ordutegia dela eta, joateko aukerarik ez :-(

Su-itzalgailuak

2011-05-15T00:49:00.015+02:00

Maiatzaren 11n, Lan Arriskuen Prebentziorako ikastaro bat egin genuen eskolan; kasu honetan hauxe izan zen "Sua ezagutzea eta su itzalgailuak maneiatzea"
Ikastaroa, talde desberdinetarako, ordu beteko bi saiotan egin zen, saio bakoitzean teoria eta praktika landuz. Laburtuz, sutea edozein lantokitan dagoen arrisku nagusietako bat dela esan ziguten. Hori dela eta, horren prebentzioa, aurre egitea eta ebakuazioa planifikatu behar dira. Horretarako, langileok behar bezala ikasita egon behar dugu, prestakuntza teorikoa eta praktikoa jasoz, Lan Arriskuen Prebentziorako 31/95 Legearen 14.,19. eta 20. artikuluetan ezartzen den lez.
Prestakuntza teorikoaren ostean, liburuxka bat eman ziguten (goiko irudian agertzen da azala).
Baita ere Larrialdi kolektibo eta ebakuazioaren/konfinamenduaren gaineko IV. eskola-lehiaketaren berri eman ziguten. Maiatzaren 25ean amaitzen da epea.
Aurkezteko lanak hauexek izan daitezke: collagea, komikia, publizitate kartela, ipuina, argazkia, multimedia materiala...(ikaslegoak) eta irakaslegoak unitate didaktiko bat aurkeztu dezake.
*Gaiak, besteak beste: Zerk piztu dezake sua ikasgeletan, sukaldean..., larrialdietako seinaleak, simulakroak, irteerak eta abar.
*Sariak: Hiru sari egongo dira 900-700 eta 500 eurokoak eta oroigarri bat partehartzaile guztientzat.Triptiko bat banatu ziguten informazio guztiarekin.

Saio praktikoa eskolako patioan egin genuen, su- itzalgailuak maneiatzen ikasteko.
Ikuskizuna oso interesgarria izan zen ikasleentzat ere, idazkariak ateratako argazkietan ikusi ahal den bezala.

Zientzia Ikuskizuna. Josu Maeztu (EHU) 2011/05/05

2011-05-14T11:23:00.004+02:00

Pasa den ostegunean, maiatzak 5, Josu Maeztu, EHUko irakaslea, Legardalden egon zen, ikasle eta irakasleekin batera, esperimentu batzuk egiten.

Bideotxo honetan ikus dezakegu zenbat esperimentu egin zituen eta guztien partaidetza.

Hauxe da ikasleei Zientzia hurbiltzeko modurik erakargarrienetariko bat, gure ustez.

Ea ikasleek gogoratzen dituzten egindako esperimentu guztiak eta azaltzeko eta berriro egiteko gauza diren! Ziur baietz!

Zientzia ikuskizuna on PhotoPeach

Irakaslearen ESPERIMENTU gehiago.

"Spinderella"

2011-05-10T16:14:00.014+02:00

Yesterday we enjoyed the funny play “Spinderella”, a modern musical version of Cinderella.

As in the old version, Cinderella-here Cindy- has a horrible sister, Becky; a really bossy, unhealthy and terrible singer sister, who makes Cindy do all the housework.

Cindy has always dreamed of becoming a famous pop star and singing on TV but Becky is not going to let her to get it.

No godmother in this play, but a really funny godfather, The Karaoke King, who will make Cindy’s dream come true

Our pupils took part in the play too and, perhaps, we have found a new star between us.

Who knows, eh, Jon?

I love rock´n roll ( Joan Jett & The Blackhearts)
I Love Rock N Roll (Alan Merrill)

Spinderella on PhotoPeach

Bad Romance

Testua: Mª Paz L.
Argazkiak: Paki

Laster LEGARDA EGUNA 2011

2011-05-10T00:01:00.005+02:00

Hogei egun baino gutxiago geratzen dira beste urte batean Legarda Eguna ospatzeko. Datorren urtean zelan egingo dogun ez dakigunez, obrak dauden bitartean, aurten hoberena izatea lortuko dugu, ezta?
Kolore, kolore.....
Artearen eboluzioa (ikasleen ikuspuntutik) on PhotoPeach

Hemendik aurrera aurreko urteetako hainbat gogorapen jarriko dut.
Adibidez, gogoratzen zarete 2009an, grafitien bidez, patioko horman "Artearen eboluzioa" egin zenean? Ekintza hauetan hainbeste partaide ikustean, konturatzen gara zein garrantzitsua den elkartuta egotea emaitza ederrak lortzeko.

LEGARDA EGUNA 2010eko ekintza bat:

Eboluzioa (grafitiak), ikasleen ikuspuntutik on PhotoPeach

The Beatles (Liverpool)

2011-05-02T20:51:00.009+02:00

Gustuko al duzue The Beatles taldea? Hemen duzue "In My Life" kantarekin eta, abenduan, Liverpoolen atera nituen argazkiekin bideotxo hau.

The Beatles (Liverpool) on PhotoPeach

In My Life

There are places I'll remember
All my life though some have changed
Some forever not for better
Some have gone and some remain
All these places have their moments
With lovers and friends I still can recall
Some are dead and some are living
In my life I've loved them all

But of all these friends and lovers
There is no one compares with you
And these memories lose their meaning
When I think of love as something new
Though I know I'll never lose affection
For people and things that went before
I know I'll often stop and think about them
In my life I love you more

Though I know I'll never lose affection
For people and things that went before
I know I'll often stop and think about them
In my life I love you more
In my life I love you more

Gure aitak amari.

2011-05-01T18:01:00.001+02:00

Gaur amaren egunean, zorionak eta musu haundi bat ama guztientzat baina, bereziki, nire amarentzat.

Lore Jokoak 2010 (Mungia) on PhotoPeach

Lore Jokoak 2010 (Mungia) on PhotoPeach

2010-2011 ikasturteko Pintxo "lehiaketa"

2011-04-26T16:57:00.011+02:00

Ikastetxean antolatutako Pintxo Lehiaketan parte hartu zuten 3. zikloko ikasleek, 2010-2011 ikasturteko abenduaren 22an

AUPA GURE SUKALDARIAK!!!
ON EGIN!!!!

Hementxe, lankideok, duzue erreplika :)

Legardalde LHI "Pintxo lehiaketa 2010" on PhotoPeach

Korrika 17- Legardalde Herri Ikastetxea

2011-04-16T19:34:00.050+02:00

Legardalde Herri Ikastetxean era ezberdinez gehitu gara Korrikara. Lehenengoz, Korrika Txikia ospatuz, maiatzaren 15ean, eskolan eta herrian zehar korrika eginez eta, larunbatean, gure kilometroan (2241). Bi ekintza hauetako une batzuk ikusi ahal dira atera ditudan argazkiotan. Gainontzekoak, eskolan ikusi ahal izango dira maiatzean.

2. HH3urtekoak

Korrika txikian eskola osoak parte hartzen du.
HH2-HH3 urtekoek eskola inguruan egin dute lasterketatxoa (hurrengorako gehiago).

HH4 urtetik gorakoek, berriz, ibilbideari ekin diote Mungia herriko kaleetatik, euskararen aldeko ekintza honetan parte hartuz, inguruko beste eskolakoekin.

3.HHkoak Arana Goiri Tar Sabin kaletik.

4. Larramendikoekin Korrikarako elkartuz.

Antolatutako ibilbidea futbol zelaian bukatu da. Berton eskola guztiek bertsoak botatzen, korrikako aurtengo kanta abesten eta antolatutako beste ekintza batzuetan parte hartu dute.

5- Aupa gure antolatzaileak! (besteak beste)

7. Ikasle batzuk

Gaur, maiatzak 16, larunbata, Legardalde eskolako askok parte hartu dugu korrikan; izan ere, Kontxik hartu du lekukoa edo testigua Bidegorri ondoan dagoen biribilgunean, non 2241 Kilometroa jarrita baitzegoen, hain zuzen ere. Errelebua programatuta zegoen hirurak laurden gutxitan baina euskalakariak atzeratu egin dira minutu batzuk.

6. Kontxi eta Legardaldeko kilometroa.

Korrika joan gara "ttipi ttapa ttipi ttapa korrika" "Mungia ere euskararen alde" abestuz, Kontxik lekukoa zuelarik, Atxurizubiraino.

Hementxe dugu Kontxi, oso ondo lagunduta ;-), testigua hartzen duen une zehatzean. Azken argazki hau espero nuen baino hobeto atera zait; izan ere, testiguaren aldaketa gelditu barik egiten da.

Aupa Kontxi eta besteak!!!

Eta HEMEN ikusi ahal da Legarda 5B taldearen maisuak (Jon) sortutako bideotxoa Korrika Txikiari buruz. Ikusteak merezi du.

"Urtegi misteriotsua" Galdetegia

2011-04-10T21:58:00.002+02:00

<p>&amp;amp;amp;lt;p&amp;amp;amp;gt;&amp;amp;amp;amp;amp;amp;amp;lt;p&amp;amp;amp;amp;amp;amp;amp;gt;Cargando...&amp;amp;amp;amp;amp;amp;amp;lt;/p&amp;amp;amp;amp;amp;amp;amp;gt;&amp;amp;amp;lt;/p&amp;amp;amp;gt;</p>

Zuzenean egiteko hemen

Aitor Aranarekin elkarrizketan

2011-04-10T00:31:00.012+02:00

Gure ikasleak kazetari...

Idazleari buruzko galderak:
1. Zenbat urte zenituen idazten hasi zinenean?
Hamazazpi urterekin “motorrak berotzen” hasi nintzen baina lehenengo liburua hogeirekin idatzi nuen.
2. Zergatik egin zinen idazle?
Alde batetik, txikia nintzela euskaraz oso gauza gutxi zegoen; bestetik, liburuekin lasaitzen naiz.
3. Zenbat liburu idatzi dituzu orain arte?
Pila bat; itzuli ere egin dut gaztelaniatik edo ingelesatik euskarara . Berrogeita bost bat izan daitezke.
Idazle batzuk idaztetik bizi gara. Horrek eskatzen du denbora eta liburu kopuru bat, 8-10 liburu urtero esan dezakegu. Ezin gara gehiegi luzatu liburu batekin, gainera liburu lodiak ez dira ondo saltzen; batzutan zenbat orrialde zeri buruzkoa baino gehiago begiratzen dute. Muga hor dago.
4. Noiz argitaratu zenuen lehenengo liburua?
1987an “Azkonarren laguna”
5. Noiz jartzen zara idazten?
Gauez idazten dut, batez ere, isiltasuna eta pakea dagoelako, ez trafikorik, ez telefonorik ez auzokorik. Gaua da ordurik onena idazteko; idazle gehienek, sortzaile askok, idazten dute gauez edo goiz goizetik.
6. Zenbat denbora ematen duzu liburu bat idazten?
Liburuaren arabera aste bete edo bi- hiru hilabete, liburuak lodiak badira.
Konturatu bazarete liburuak ez dira hasten lehenengo orrialdean; “Urtegi misteriotsua” , hain zuzen ere, zazpigarrenean hasten da eta 79. orrialdean bukatzen da. Letra ertaina dela esan dezakegu. Honetariko liburu bat eta ni bezalako gizon bat, aste betean buka daiteke liburua.
Libururik luzeenak “Amodioaren gazi -gozoak” edo “Etruskoak” 3-4 bat hilabete
7. Zein idazki mota duzu gustukoa idazteko?
Misteriozkoak eta beldurrezkoak; horrelakoak dezente idazten ditut.

Liburuari buruz:
Zergatik jarri zenion titulu hori?
Editoreek batzutan aldatu egiten dituzte izenburuak, oso jarrita daude gai honetan eta badakite izenburuak garrantzi handia duela, deigarria eta ekargarria izan behar du eta horretarako gomendatzen dute hainbat hitz: sekretua, maitasuna, misterioa, amodioa… Hasierako izenburua “Aitona berria” zen baina ez zen komertziala eta azkenean editoreak proposatu zuen “Urtegi misteriotsua”. Arrazoia zuen baina oso argi badaukat izenburu bat nahi dudala, ez dute aldatzen.
Nola inspiratu zinen liburua idazteko?
Hasteko, Oñatin bizi nintzen liburua idazten nenbilela eta Udaletxeak kanpaina bat atera zuen aiton-amonek adopzioaren alde. Nik ez nekien aiton amonek egin ahal zutela. Ideia ona iruditu zitzaidan eta erabaki nuen pertsonaia sartzea baina pertsonaia berezi samarra: altxor bilatzailea.
Bestaldetik inguruan bi urtegi zeuden eta bertan bainatzea debekatu zuten, jende dezente ito egiten zelako. Behin 10-11 urteko umea hil zen. Ikusi nituen suhiltzaileak eta umea ateratzen. Liburuan ez da deskribatzen une hori, gertaeraren aipamena baino ez da egiten, oso gauza tristeak dira. Normalean gertaera entretenigarriak kontatzen ditut.
Eta "ugarixutarrak" asmatzeko?
Munstroak erabiltzen direnean ez daude aukera asko: estralurtarrak, deformatuak (Quasimodo bezala) edo munstroak. Erabaki nuen erdi –gizakia. Ia aukera guztiak erabilita daude, Lakuko munstroa…
Hitza? Ba Oñati Gipuzkoan dago baina bizkaieraz hitz egiten da. Ugarixua erdi igela da, hortik ugarixutarrak.
Oso zaila izan zen liburua itzultzerakoan ugarixutar hitzaren itzulpena beste hizkuntzetara, izan ere, hizkuntza bakoitzak bere berezitasunak ditu. Orain dela bi urte erderatu zen .
Urtegi misteriotsua" hoberena dela esango zenuke? Bat aukeratzekotan?
Denbora asko daramat liburuak idazten eta gaizki atera zaizkit. Ez badira onak, ez ditut argitaratzen.
Bat aukeratzekotan zaila egiten zait baina “Urtegi misteriotsua”... denbora pasa da eta asko mugitzen da. Hauxe aipatuko nuke. “Urtegi misteriotsua”, liburu zaharra da baina urtero urtero argitaratzen da eta saltzen da.
Ikerren arima, zergatik gelatinako arrautzan?
Arima non gorde daiteke? Nola jan daiteke persona baten arima? Zaila iruditu zaizu?
Zergatik jarri zenuen hasieran esaera zahar hori?
Txakurrak libre uzten badira elkarrekin txakurkeriak egiten dituzte, ardien kontra eta abar eta mutikoak elkarrekin aldrebeskeriak. Hori da, gutxi gora behera, esaeraren esanahia.
Liburu honetan mutilak hitz egiten du bere txakurrarekin, hau dela eta, pentsa daiteke burutik jota dagoela.

Maisu-maistren galderak:
Paperean edo ordenagailuan idazten duzu?
Idazkiak paperean, edozein tokitan idazteko baina itzulpenak badira zuzenean ordenagailuan.
Zer behar da itzulpenak egiteko? Gogoa, hizkuntza menperatzea?
Biak baina gogoa, bokazioa… idazle gehienak ez dira itzultzaileak. Itzulpen batetan batzutan diru gehiago irabazten da. Orijinala ez dakizu zelan joango den, aldiz, itzulpen handiak badira, soldata izan ahal da ziurtatuta.

Ikasleek egindako beste galdera batzuk gidoitik kanpo :)
Ideiak hartzen dituzu beste liburu batzuetatik?
Ez, txikitatik, 10-12 urtekin eta nerabezaroan mutil irudimentsua nintzen. Eskolan ilargian egoten nintzen eta azterketak gainditzeko arazoak nituen baina irudimentsua izanik ideia asko etortzen zaizkit; baina kontuz oso zaila da ez kopiatzea.
Zer da zailagoa euskaratik gaztelaniara itzultzea edo gaztelaniatik euskarara?
Erderatik euskarara itzultzen ohitu gara, euskaraz gutxiago idatzita dagoelako edo, baina gaztelerak badauzka bere trikimailuak.
“Zeruko mezulariak” itzuli nuenean gaztelaniara, editoreak esan zidan: “Aitor esto está en castellano de San Sebastian” eta egia da gure erdaran euskarakada dezente dago eta ez gara konturatzen. Kanpokoek ikusten dute. Adibide bat: IBILI aditza oso aberatsa da: erabiltzea, aritu, ibili, denbora pasatu…
Gogoratzen naiz testu batean jarrita zegoela: ibaian ibili ginen edo halako zerbait eta itzulpenean jarri nuen: anduvimos en el río eta esan zidaten ibaian ezin dala ibili, ugeri egin baino.

Idazlearen beste berba batzuk:
IDAZLEOK ez dugu paperetan sinatzen arrazoi bigatik:
1.- Idazleen elkarteak gomendio hori ematen du. Idazleok lana hartzen dugu sinatzen, eta gero aurkitzen ziren paperak kanpoan botata.
2. Liburuetan, bertan sinatu ezkero, liburuaren balioa handitu egiten da.

Aitor Arana

2011-04-09T23:33:00.000+02:00

Aitor Arana- Urtegi misteriotsua on PhotoPeach

JANTOKIA 2011- Hirugarren hiruhilabeterako menuak

2011-04-06T19:34:00.001+02:00

Behin baino gehiagotan gertatu zaigu orria galdu dugula eta ez dugu gogoratzen zer edukiko dugun jateko biharko. Hori konpontzen da begiradatxo bat botatzen blogera, hementxe hirugarren hiruhilabeterako menuak daude eta.
Badakizue, nohizean behin (oso gutxitan) salbuespenak egon daitezkeela arrazoi ezberdinengatik.

Open publication - Free publishing - More jantokia

Antton Irusta Legardaldeko liburutegian

2011-04-05T23:28:00.006+02:00

Antton Irusta Legardaldeko liburutegian on PhotoPeach

Iaz bezala, aurten ere Antton Irusta hurbildu da Legardaldeko liburutegira istorio ederrak kontatzera.
Bazen behin...
Aintzina...
Mungiako kaleko bazter batean...
Esan digu zein garrantzitsua den berarentzat idaztea eta zenbat gozatzen duen irakurtzen ipuinak, komikiak,...
Esan digu zelan egiten den liburu bat: idatzi, marrazkilariak marrazkiak egin , maketatu eta gero inprentara bidaltzen da.
Berak idatzitako liburu batzuk aipatu dizkigu: "Katxin", "Yasuke", "Yu Ling", "Luki barrabasa", "Tartalo, Mari eta herensugea", "Lamia eta basajaun", "Munduari itzulia 18 ipuinetan", "365 txiste", 365 igarkizun" eta abar
"Olentzero gabonetako ipuina" (pelikula) ere aipatu digu.
Konturatu gara nolako erreztasunez asmatzen duen bapateko istorio edo ipuin bat. Berton gure ikasle batzuk erregea, erregina, printzesa eta beste pertsonaia batzuk izan dira.
Galdera ezberdinak egin dizkiote:
Zure liburuetako pertsonaiak benetazkoak dira?
Ezagutu egin ditut batzuk.
Zenbat denbora behar duzu liburu bat idazteko?
Bi hilabete izan daitezke baina zatika.
Ez duzu telebista ikusten?
Noiz edo noiz, pelikulak ikustea gustuko dut
Zer egiten duzu inspiratzeko?
Txikitako laguna ateratzen dut eta neska polit batengan pentsatu :)
Zenbat liburu idatzi dituzu?
Hogeitamar bat.
Zein izan da zure libururik arrakastatsuena?
"Katxin" liburua esango nuke edo "Nuestro Athletic" (honetan protagonista Nerea da eta berak kontatzen du Athletic-eko istorioa)
Asko kostatzen zaizu liburu bat idaztea?
Asko kostatu zait igarkizunen liburua idaztea, besteak atera dira poliki-poliki.
Hementxe dugu berak utzitako oparitxoa.

Beste gauza interesgarri batzuk geratzen dira esateke baina utziko ditugu hurrengorako...

Hain arriskutsua ote da irakurtzea? Ba al duzu eztenik? Ez? Ba, orduan, ez zaitez beldurtia izan, ausartu zaitez, eta...
ZATOZ GUREKIN IRAKURTZERA!!!!!

Mungialdeko berbak

2011-04-02T23:13:00.002+02:00

Gure eskualdeko berbetan badira hainbat hitz, normalean idazten ez ditugun arren, berbaz egunero-egunero erabiltzen ditugunak. Horiek batzea izan da Mungialdeko eskolen (Legardalde Herri Ikastetxea, Laukarizko ikastetxea, Bentades, Larramendi), Institutuaren eta Mungiako Udalaren asmoa. Marrazkiak Kontxi Garaik (Legardalde Herri Ikastetxeko maistra) eginak dira.
Mungialdeko beste berbarik ezagutu ezkero helbide honetan erantsi daiteke: EUSKARA

Open publication - Free publishing - More berbak

Landetxo Goikoa

2011-04-02T21:19:00.008+02:00

MUNGIARRA aldizkarian, otsailaren alean (38 zkia), baserriari buruzko artikuluan eta udalaren beste argitalpen batzuetan informazio hau daukagu, laburtuta:

Landetxo Goikoa XVI. mendearen hasierako baserria da. Europan dauden herri arkitekturako arrasto apurretakoa dugu. Ez da erlijio-eraikina ezta jauntxoen etxea ere eta haretx egurrez dauka eginda bere egitura nagusi; hau berezitasun garrantzitsu bat da.

2007ko abenduan, Landetxo Goikoa Olentzeroren Baserria proiektua martxan jarri zen Mungian. Harrezkero ehun mila bisitari, gutxi gora behera, egon dira. Proiektuaren emaitzarik garrantzitsuenetariko bat izan da gure kulturaren eta mitologiaren arloan egin den bilketa eta ikerketa lana: Olentzeroren irudi sendoa, euskal baserria eta berari lotutako sinismenak eta pertsonaiak … Zabalkunde hau euskaran oinarrituta, Mungia herriak euskararen alde egiten duen apustuagatik.

Geuk ere, Legardalden, erronka honi gogotsu heldu diogu.

Olentzero- Mitologia (Kabalgata 2010- Mungia) on PhotoPeach

Zein da Hezkuntzaren asmoa, helburua, xedea?

2011-04-02T18:25:00.011+02:00

Mikel Agirregabiria Agirreren blogean agertzen den post hau dakartsuet:
¿Cuál es el propósito de la educación?
Mikel Agirregabiria Bizkaiako Hezkuntza Berrikuntzaren arduraduna da.
Hitzaldi honetan, hezkuntzaz hitz egin zuen, hain zuzen ere Sare Sozialak eta ikaskuntzari buruz. Bideoa ikusteak merezi du.

Jardunaldiak "Redes Sociales en la Educación 2011"
Gaia: "Un nuevo paradigma. Redes Sociales y aprendizaje"
Tokia-egunak: 2011ko martxoak 25/26, Lardero (Errioxa)
Beste hitzaldi eta hizlari batzuk, besteak beste, hauexek izan ziren:
- Zelan hobetu ahal dute Sare Sozialek ikasketa? Balio dute ikasteko? Ricardo A. Maturana gnoss.com sarearen zuzendaria
- Irakasleak sare sozialen aurrean, Hezkuntzan. Antonio Omatos (IKT koordinatzailea eta matematika irakaslea)
- Gurasoak sare sozialen aurrean, Hezkuntzan. David Maeztu (abokatua) Derecho en red

Hezkuntza-sistema anakronikoa da

2011-04-02T12:47:00.002+02:00

“Hezkuntza, ikasle askoren talentu eta hainbat trebetasun erreprimitzen ari da; eta bere ikasteko motibazioa hiltzen ari da.”

"La educación está reprimiendo los talentos y habilidades de muchos estudiantes; y está matando su motivación para aprender" (Ken Robinson)

“Hezkuntza sistema anakronikoa da.”

"El Sistema Educativo es anacrónico."(Ken Robinson)

Ken Robinson REDES telebista- programaren saio batean.

Hezkuntzak, orokorki, ikasle askoren trebetasunak eta talentuak erreprimitzen baditu, salbuespenik egon daiteke, ezta?

Euskadin Zehar Proiektu Telematikoa

2011-03-29T01:36:00.002+02:00

Eskola 2.0, Hezkuntzaren orrian, informazio hau irakurri ahal duzue:
Euskadin zehar proiektu telematikoa Lehen Hezkuntzako 3. zikloko ikasleei zuzendutako proiektua da. Izen-emate orria apirilaren 11a baino lehen bete behar da.

Nestle lantegian

2011-03-29T00:40:00.004+02:00

Hementxe dugu irteeraren bigarren zatia. Zein gozoak izan diren izozkiak!!!

Nestle lantegian (Araban) on PhotoPeach

Orain zu zeu sukaldari:
Koko, intxaur eta txokolatezko izozkia
Marrubi eta yogurt izozkia
Laranjazko sorbetea
Gerezizko izozkia
Turroi izozkia
Ezti izozkia eta intxaur garrapinatuak

Ezagutzen al duzu antzeko beste errezetaren bat. Konpartituko zenuke?

Estibalizko santutegia

2011-03-28T21:10:00.006+02:00

Gaurko irteeran Estibalizko santutegian egon gara. Ingurugiro ederra benetan!
Santutegi hau Araban dagoen eraikin erromaniko bat da eta Argandoña herrian kokatuta dago.

Estibalizko santutegia on PhotoPeach

Estibalizko santutegia on PhotoPeach

Lancaster, Morecambe, Liverpool

2011-03-26T20:48:00.001+01:00

Munduan zehar oso paisaia ederrak ikus daitezke. Hona hemen Ingalaterrako toki eder hauen (Lancaster, Liverpool eta Morecambe) argazkiak.

Lancaster, Liverpool, Morecambe on PhotoPeach

Lancaster, Liverpool, Morecambe on PhotoPeach

Ihauteriak 2011 eta gabonetako oroitzapenak

2011-03-21T01:10:00.010+01:00

Martxoaren 4an aratosteak ospatu genituen eskolan. Hona hemen bideo bat non ikusten diren egun horretan egin ziren ekintzak: ibilaldia herrian zehar abesten, txokolatea, txu-txu trena...
Irakasleok SUKALDARIZ jantzita joan ginen.
Gora Legardaldeko Jantokia eta bertoko sukaldariak, hoberenak dira, zalantzarik gabe!!!!

Ihauteriak 2011- Legardalde Herri Ikastetxea on PhotoPeach

Ihauteriak 2011- Legardalde Herri Ikastetxea on PhotoPeach

Doniene

2011-03-15T01:02:00.002+01:00

Gaztelugatxeko Doniene on PhotoPeach

Gaztelugatxeko Doniene

2011-03-15T00:48:00.003+01:00

Gaztelugatxeko Doniene on PhotoPeach

Doniene

2011-03-13T02:01:00.004+01:00

JIGSAW PLANETen Donienen ateratako argazki bategaz puzzle bat sortu dut. Lagunduko ahal didazue osatzen?

48 DSC04045

[Your web browser does not support frames or is currently configured not to display frames. However, you may visit the related page.]

Scratch

2011-03-11T23:01:00.021+01:00

Scratch-ekin jokuak, animazioak, arte ekoizpenak, istorio interaktiboak eta abar programatu ahal dira. Maila goreneko gaitasun intelektualen garapena sustatzen du.
Edutekan gehiago irakurri ahal da erreminta honi buruz.

Instalatuta dagoenez eskola 2.0ko minieramangarrietan eskolako 6.mailako ikasle batzuekin lantzen hasiak gara eta, pertsonalki, emaitza harrigarriak ikusi ahal izan ditut.

Eusko Jaurlaritzako web orrian, Scratch programarekin lehenengo pausoak azaltzen dira:

Scratchekin animazio bat programatu

Enekoren blog honetan" Magisteritz a " beste argibide batzuk ditugu.

Hementxe ikus ditzakegu sarean aurkitutako proiektu batzuk eta hona hemen Pablo Garaizar, txipik, egindako aurkezpena:

Taller de programación con Scratch

View more presentations from Pablo Garaizar

KORRIKA 17

2011-03-09T01:14:00.004+01:00

1go Korrika antolatu zenetik 1980an 30 urte igaro dira.

Aurtengo Korrika, 17garrena da. Trebiñun hasiko da apirilaren 7an eta Donostian bukatuko da apirilaren 17an.

Lelo nagusia EUSKALAKARI izango da. Euskara maite duena, ikasten duena eta erabiltzen duena, EUSKALAKARIA da.

Maitatu, ikasi, ari… euskalakari

EUSKALAKARI

mingain zorroztuak ginen

zuri, hori, berde eta gorri ginen

barakaldon beterano ginen

arriskua ginen, erromeria ginen

su iraultzaile ginen

enpresari eta sindikatu ginen

lesbiana, hetero, gay ginen

gehiegi izan ginen, nahikoa ez ginen

euskalakari izango gara!

pausoz pauso, gelditu barik

pausoz pauso, maitatu, ari…

pausoz pauso, euskalakari!

pausoz pauso, gelditu barik
pausoz pauso, maitatu, ari…
pausoz pauso, euskalakari!

eserita zer itxoiten zenuen?

beldurtuta, nekatuta ote zinen…

trena pasa da ta zu begira hemen

ukabila ginen eta hitza ginen

euskalakari izango gara!

pausoz pauso, gelditu barik
pausoz pauso, maitatu, ari…
pausoz pauso, euskalakari!
pausoz pauso, gelditu barik
pausoz pauso, maitatu, ari…
pausoz pauso, euskalakari!

pausoz pauso, gelditu barik
pausoz pauso, maitatu, ari…
pausoz pauso, euskalakari!

pausoz pauso...

G O S E

Korrika 17 unitate didaktikoa deskargatzeko hemen.
Aurreko Korrikak 1-2-3-4-5-6-7-8-9-10-11-12-13-14-15-16- 17

Eskola saioak Netbook minieramangarriarekin

2011-03-02T11:07:00.004+01:00

Hezkuntzaren orrian eta prestakuntza 2.0 atalean netbook eta ADE-PDI buruzko eskola saioak aurki ditzakegu, besteak beste.Gaiak oso ondo daude gure formakuntzarako.

Paisaiak

2011-02-27T14:50:00.005+01:00

Martxoaren 1etik 19ra arte gure lankidea den Jon Iribar Arrien irakasleak Torrebillelako Erakusketa Aretoan bere artelanak aurkeztuko ditu. Erakusketaren gaia "PAISAIAK" izango da eta eder- ederra delakoan nago, eredu hau ikusi eta gero:

Hantxe izango gara, zer esanik ez.

Testu, irudi edo bideoak zentratu

2011-02-16T22:18:00.005+01:00

Testu, irudi edo bideoak zentratzeko honako pausoak jarrai ditzakegu:
1. Bideo, testu edo irudiaren HTML kodearen aurretik irudian agertzen dena idatzi.
2. Bideo, testu edo irudiaren HTML kodearen atzetik irudian agertzen dena idatzi.

Erdikoa bideoaren kodea da eta hasieran eta bukaeran agertzen diren kode zatiekin bideo zentratzea lortzen dugu.
Ezkerrean egotea gura badogu "center" hitzaren ordez "left" idazten dugu eta eskumaldean txertatzeko, berriz, "right".

Animoto: "Indioak"

2011-02-04T19:14:00.038+01:00

Animoto bideoak sortzeko aplikazio bat da. 30-35 segunduko doako bideoak sor ditzakegu argazki batzuekin.

Hiru urratsetan osatzen da bideoa, modu erraz baten:

1. Aukeratu aurkezpenerako eredua (Free= doakoak, Pro=ordaintzekoak) eta argazkiak igo.

2. Musika txertatu (aplikazioan daudenetariko bat edo ekipotik igotakoa)

3. Bideoaren osaketa (prozedura bukatu arte itxaron behar da)

Emaitza oso erakargarria da eta bideoak bideoklip baten antza du.

Bukatu eta gero deskargatu ahal da, konpartitu, IPod edo IPhonetan gorde, email-ez bidali, DVD baten grabatu, YouTubera esportau edo blog baten txertatu.

Lehen Hezkuntzako ikasleak bideo laburrak egiten hasteko aparteko aukera da. Hementxe ditugu adibide bi:

Create your own video slideshow at animoto.com.

Mercek bere blogean argitaratu duena: Dont´t hurt the animals

Ken Robinson

2011-01-29T18:48:00.010+01:00

Ken Robinson-en iritzian, eskolak ikasleen sormena hutseratu egiten du.
Euskaraz irakurtzeko Subtitles-en sakatuz, Basque aukeratu.

Iturria: EDUTEKA

GABONETAKO JAIALDIA

2010-12-19T22:29:00.007+01:00

Dena dago prest Gabonetako jaialdia ospatzeko.

Legardalde Herri Ikastetxean jaialdi hau aspalditik ospatzen dugu. Arrakasta itzela du gure ikasle, irakasle, gainontzeko langile eta gurasoen artean; izan ere, denok gogoz parte hartzen dugu era desberdinetan. Ikasleak egun honetan protagonistak dira; beti izaten dira protagonistak baina honako ekintzetan are gehiago.

Aurten abenduaren 21ean ospatuko da eta hona hemen izango den egitaraua:

9:30 etan
HH 4 urte A- "ISTRIPUA"
HH 4 urte C- "D.Y.A"
HH 5 urte B- "ANBULATEGIA"
HH 5 urte A- "MEDIKUAK"
HH 5 urte C- "OSPITALEA"
HH 4 urte B- "OILOA HIL ETA GERO"

Jarraian
LH 1.A- "GAMUSINOEN BILA"
LH 1.B- "BAT, BI, HIRU, LAU"
LH 1.C- "IRRIEN LAGUNAK"

Ondoren
LH 2.A- "CABARET", "MEIN HERR"
LH 2.B- "CABARET", "SITTING PRETTY"
LH 2.C- "CABARET", "LIFE IS A CABARET"
LH 2.A- 2.B-2.C- "NEW YORK, NEW YORK"

11:00 etan
ATSEDENALDIA

11:30 etan
Ipuin lehiaketarako sari banaketa

Gero
LH 3.A- 3.B- 3.C- 3.D "MUNGIAKO PASADIZOAK"

Ondoren
LH 4.A- "MEXIKARRAK ETA EUSKALDUNAK"
LH 4.B- "BANG, BANG"
LH 4.C- "PAPANAMERIKANO"
LH 4.D- "ESKURIK ESKUEKIN"

15:00 etan
LH 6.C- "GOAZEN" (Lourdes)
LH 5.B- "AMETS BAT" (Jon)
LH 5/6 B- "PIXKA BAT ES MUCHO" (Eguzkiñe)
LH 5.C- "EZ GOAZ LANERA" (Maite)
LH 5.A- "EUSKAL HERRIAN JAMAICA CLASH" (Mª Luisa)
LH 6.B- "FUTBOLA ETA LEHIA" (Karmele)
LH 6.A- "TXORIA TXORI" (Jaione)
LH 5.D- "AGUR JAUNAK" (Irune)

Eta datorren urtean ... gehiago eta hobeto!!!!!!!!!!!!

Euskararen eguna 2010

2010-11-29T20:26:00.030+01:00

Legardalde Herri Ikastetxean abenduaren 1ean euskararen eguna ospatuko dugu. Gure kurubioak eskuan daraman puxikean hitz hauek irakur ditzakegu: Euskaldunak gara. Hona hemen eskolan moldatu den abestia egun horretarako:

Akaso gu ez gara handienak,

ez gara agertzen mapa mundian,

akaso gure MUNGIA maitea

ez dute ezagutzen munduan.

Baina gure herri ederrean

parra-parra dauzkagu

jaia ta umorea.

Ta nongoak garen galdetzean

harrotasunez esan

EUSKALDUNAK GARA.

LEGARDA eskolan elkartu gara

jolas, dantza, kanta ta parrandan

lau haizetara oihukatu dezagun

EUSKARA bai gure bihotzean.

Baina gure herri ederrean

parra-parra dauzkagu

jaia ta umorea.

Ta nongoak garen galdetzean

harrotasunez esan

EUSKALDUNAK GARA.

EGITARAUA

9:00etan: Gelan Euskararen pankarta egin. Pankartak sarreran utzi.

9:50etan: Denok patio nagusira.

10:00etan:

-Txalaparta

-Pregoia bertsotan 6. mailakoek

* Kurubioaren aurkezpena 6. mailakoen eskutik

* Kurubioaren urtebetetzea ospatu, zorionak eman eta abestia "Mila kilo zorion" eta "Zorionak" abestu.

* HHkoek oparia eta koroak eman

-Kurubioak Euskararen eskutitza irakurri.

11:00etan: Abestiak eta koreografia "Guk euskaraz""Euskaldunak gara"

11:15etan: Errekreoa eta hamaiketakoa.

*Goiko patioan (HH eta LH) musika

*HH3koek hamaiketakoa Legardatxun.

12:00etan: Jokuak zikloka (euria balitz mahaiko jokuak gelatan).

13:00etan: Jaiaren amaiera

Kurubioren urtebetetzea ospatzen

Alajaina! Hirurak jan dituzu!!!

ESPEJO (ARABA)

2010-11-22T21:53:00.061+01:00

GAZTE EGONALDIAK: ESPEJO (Araba)

Gaia: Ikus entzunezkoak
Azaroaren 17-18 eta 19an 6. mailako talde bat, tutorea (Jaione) eta neu (Paki) Espejon egon gara. Aste honetan asteazkenerarte beste talde bi daude (besarkada bat denontzat eta ondo pasa!)

Begiraleak
Amets, Imanol eta Ibai izan dira.

Asko ikasi dugu haiekin eta ikasteaz aparte ikasleekin oso ondo portatu dira; jatorrak eta pazientzi handiko pertsonak baitira.
Lehenengo egunean oso argi azaldu ziguten zeintzuk ziren filma egiteko pausuak:
1. Gidoia idatzi. Gidoiak bi atal ditu: literarioa eta teknikoa. Azken honetan irudia, soinua, musika, non grabatu eta abar antolatzen da.
2. Produkzioa: eszenarioa, dekoratuak, aktoreak, jantziak, kamera, zuzendaria, aurrekontua, ekipo teknikoa…
3. Grabaketa: kamera, soinua grabatu
4. Postproduzioa
5. Publikatu/argitaratu
Aurrekoaz gain, azaldu ziguten bukaeran kreditoak agertzea oso garrantzitsua dela.

Parte hartzaileen funtzioak:
Zuzendaria: nolabait dena kontrolatzen du baina kameraren ondoan egoten da. Kamerak behetik gora (kontrapikatua), goitik behera (pikatua) ezkerretik… grabatu ahal du.
Aktoreak: protagonistak, 1go mailakoak, extrak…
Skript: toma onak eta txarrak apuntatzen dituena, zein dagoen ondo eta zein ez. “Gazapoak” kontrolatzen ditu.
Klaketaria: taula beltz bat eramaten du non saiakerak eta tomak idatzita agertzen diren eta zabaltzen da soinua eta irudia batzeko. Klaketariak ozenki aipatzen ditu tomak eta saiakerak.
Atrezzo: makillajea, arropa, dekoratuak
Soinu teknikaria: musika bilatu, efektuak txertatu, soinua eta irudia batu…
Ekoizleak: pelikularen jabeak dira, hau da, dirua ipintzen dutenak.
Planoak
Kamerarekin plano desberdinak grabatzen dira:
Xehetasun planoak: adibidez begien planoa
Lehen planoa. Aurpegiarena, esaterako
Gerrirarteko planoa
Belaunerarteko planoa (hau bakeroen filmetan ikusten da batipat, Oesteko pelikuletan), plano amerikarrak deitzen zaie.
Plano osoa
Plano orokorra (aktoreak eta tokiak)

Azalpen teorikoa entzun ondoren, taldeka jezarri ziren gidoia sortzeko eta gidoi guztien artean erabaki zuten bihurrikeriena egingo zutela. Horregatik laburmetraiaren izenburua horixe izango da: “bihurrikeriak”. Begiraleek ipiniko dute euren blogean eta YouTuben. Esan ziguten laster publikatuko zutela.
Laburmetraian guztiok parte hartu genuen funtzio desberdinak hartuz; batzuk aktoreak, beste batzuk skripta, kamera, zuzendaria, klaketaria, extrak ...

Gelak, Jantokia, Jolastokiak

Heldu bezain laster, maletak eta motxilak ordenatuta pasabide batetan utzi genituen eta bitartean gelak antolatu genituen. Talde bakarra zenez ikasleak lau gelatan banatu ziren, andereñoak beste batean eta begiraleak beste batean.
Gela bakoitzean sei litera zeuden, guztietan komunak eta dutxak barruan zeudelarik. Gelak bero-bero zeuden (20 gradu inguru), nahiz eta kanpoan hotz haundia izan.

Jantokia haundia zen eta oso txukun. Bertan hiru janari ematen ziren: gosaria, bazkaria eta afaria. Arratsaldeetarako ogitarteko bat ematen zuten baina jantokitik kanpo jaten zen: jolastokian edo kalean, ekintzaren arabera.
Ikasleak jantokian bi mahaitan banandu ziren; mahai bakoitzean bi arduradun zeuden. Hauen ardura zen janaria zerbitzatzea eta mahaia batzea, bukatu eta gero. Denetarik jan genuen: indabak, pasta, entsalada, okela, arraina, fruta… eta gosarietan esnea kolakaogaz, madalenak, ogia gurina eta marmeladagaz, fruta… den dena oso goxoa!
Birziklatzeko bi ontzi zeuden: bat plastikorako eta beste bat papera eta hondakin organikoetarako. Egia esan oso ondo antolatuta zegoen dena.

Jolastokian jolas mota asko zeuden: mahai jolasak (kartak, puzzleak…), ping-pong, ordenagailuak (internetarik gabe)… eta kanpoan saski baloian jolasteko pista handi bat.

HerriaHerria lasaia, txikia, eta hotza! Goizetan teilatuak eta bedarra zuri- zuri agertzen zen. Benetan eskertzen zen barruko berotasuna. Teilatuan eguzki panelak zeuden instalatuta eta egun osorako mantentzen zen beroa barruan oso temperatura onean; honi esker gauez ez genuen hotzik igarotzen lo egiten.

Herrian, esan zigutenez, berrehun biztanle inguru bizi dira eta ez dago eskolarik. Umeak beste herri bateko eskolara joaten dira. Hori bai, frontoi galanta dute, frontoiaren ondoan kolunpio batzuk, erreka polit bat eta okindegi ospetsu bat “txoripanak” eta mota askotako pastak erosteko.

Ekintzak:
Varonatarren dorretxera bisita bat egin genuen.

Espejotik gaztelura edo dorretxera oinez joan ginen oso urrun ez zegoelako (3 km. gutxi gora behera)
Sarreran gidariak egon ziren gure zain. Neska batek oso era erakargarrian erakutsi zigun barrutik dorretxea eta garai hartako istorioak azaldu zizkigun .

Hallean tornu bat zegoen. Hau palankarekin indarra eginez, zubia igotzeko erabiltzen zen. Funtzio hau galdu zutenean tornuek, balantza bihurtu ziren gauzak pisatzeko.

Baita ere esan zigun leihoetan ez zeudenez kristalik pergaminoak erabiltzen zituztela hotzez babesteko. Pergaminoak arkumearen larruarekin egiten ziren.
Mota desberdinetako leiho zeudela esan zigun: leihatila txiki batzuk arkeruentzat, handik geziak botatzen ziren (polbora kanoietarako beranduago asmatu zuten eta kanoia sartzeko tronerak erabili ohi ziren.) izkinetan beste batzuk (prismaren formakoak), hauetatik ura irakiten botatzen zen olioagaz naztatuta, defendatzeko asmoz. Ate nagusia ere horrela defendatzen zen.
Kutxatzar batzuk ziren etxeetako armairuak, beranduago maindireak gordetzeko erabili zirenak.
Zeramika: Txuriz margoztutako ontziak ziren sukalderako erabiltzen zirenak (gatza, gantza eta abar gordetzeko).
Beste gela batean Varona familiaren jatorria azaldu zigun eta nola hasieratik, belaunaldiz- belaunaldi, gizonezkoen izena Rodrigo izan zen gaur egun arte; izan ere, dorretxearen jabea, Rodrigo, gurekin egon zen eta argazki batean agertzen da ikasleekin.
Dorretxearen barruan nobleen bizimoduak ez zeukan zerikusirik gaurko bizimoduarekin. Egongelan musika tresnak jotzen ziren, pianoa bereiziki, eta musika tertuliak egiten ziren.
Umeen etzatoki bat ikusi genuen (bi zatitan bananduta zegoen). Hauetan ez zegoen leihorik hotzetik babesteko eta gela berotzeko sutontziak erabiltzen ziren. Ohe gainean arropa beltzak zeuden. Gidariak komentatu zigun alargunak beltzez jantzita joaten zirela bizitza osoan eta honen kontrastea zen aurpegi txuri- txuriak zeuzkatela eta eguzkitarako itzalkinak erabiltzen zituztela. Argi geratu behar zen nortzuk ziren nobleak; langileak, berriz, (nekazariak, segalariak…) eguzkitan egon behar zirenez ez ziren txuri-txuri egoten.
Hormetan paper margotuarekin dekoratzen zen; irudia arrabola teknikarekin grabatzen zen zuri beltzean eta gero, eskuz, gainean koloreztatu egiten zen marrazkia.
Egongelaren horma bakoitzean istorioak irudikatzen ziren: ehiza, esaterako, komiki baten antzera. Kijotearen gela deitzen zaio egongela honi, zoruan bera bere zaldiarekin marraztuta dagoelako.

Ostegunean diskofesta eta pijama desfilea antolatu genuen gaubela pasatzeko baina, oso nekatuta geundenez, gauerdia pasata ohera.

Hona hemen Jaioneren ikasleek egindako laburmetraia: "Bihurrikeriak!"

Baita Lourdes eta Karmeleren gelakoek ere egindakoa:
"Bahiketaren giltzak" eta " Herri mamutua "

HALLOWEEN

2010-10-30T17:30:00.031+02:00

Halloween urriaren 31n, Estatu Batuetan, bereziki, ospatzen den jaia da.
Halloween hitza "All Hallow´s Eve" esapidetik dator.

Eguna, sarritan, laranja eta beltza koloreekin lotzen da eta baita "Jack-o´-lantern" sinboloagaz.

Jai honetako ekintza arrunten artean honako hauek egiten dira:
*"Trick -or treating" (goxokia edo bihurrikeria). Auzoko umeak mozorrotuta etxez etxe joaten dira goxokiak eskatzen. Hauek ez jasotzekotan txantxa bat egiten dute.

* Mozorro jaiak
* Suak
* Bromak
* Beldurrezko istorioen irakurketa
* Terrorezko filmak ikusi...
Kalabaza kareta egiteko eredua.

Trick or Treat,Trick or Treat,
Give us something good to eat,
If you don´t, we don´t care,
We´ll put lettuce in your hair,
Trick or Treat, Trick or Treat,
We love candy oh so sweet,
Each and every Halloween we all say
TRICK OR TREAT!
YeeHaw!

YouTubeko beste bideo batzuk:
It Must Be Halloween with Jack O´ Lantern
"Trick or Treat" Song With Donald Duck
silly symphony- the skeleton dance 1829 disney short
HALLOWEEN (vocabulary)
Thriller animation
Halloween Screams- Disneyland Part 2
Singing Pumpkins 3D Animation Halloween 2006
This is Halloween 2009

Liburutegiaren astea

2010-10-30T11:53:00.032+02:00

Urriaren 25etik urriaren 29ra Legardalde Herri Ikastetxean liburutegiaren astea ospatu da. Honengatik ekintza desberdinak antolatu dira.

Liburutegiko arduradunak irekitako blog berrian jarraitu ahal ditugu zuzenean berak antolatzen dituen ekintzak eta, era berean, partaidetza areagotu.
Hauxe da bloga: http://legardaliburutegia.blogspot.com/

LIBURU MARKADOREEN LEHIAKETA:

IRAKURKETA SUSTATUZ:

LIBURU BARRIAK:

Eta abar....

IPUIN TAILERRA:

IPUIN LEHIAKETA: Ipuinak aurkezteko epea abenduaren 10ean bukatzen da.
GABONETAKO POSTAL TAILERRA:

Irakurketaz gozatuz: ahokorapiloak

2010-10-26T19:22:00.029+02:00

Tantarik tanta,

euriak kanta,

hodeiak zutik

eta erreka etzanda!

Marigorringo

txurigorringo,

bihar eguzki

ala euri egingo?

Xipi, xapi, katua, katu madarikatua!

Tripa dauka puztua

jan didalako jan didalako

haragi gixatua.

Xipi, xapi, katua, katu madarikatua!

Baietz zeuek ere ezagutu beste ahokorapiloren bat!

Dancing in the Basque Country (2009-2010)

2010-10-03T23:30:00.013+02:00

Mat Harding-en ideian oinarritutako bideo honetan, EHko dantzak, paisaiak... ikus ditzakegu. Proiektua burutzeko hogeitabat hilabete behar izan dira eta baita lagun asko ere EHan zehar dantzan egiteko.

Good vibrations

2010-10-03T22:09:00.007+02:00

Bideo honen mezua ongi ulertzen da, ikustearekin soilik; horregatik ez da "azalpenik" behar, nire iritzian.

Baina bai izango litzatekeela interesgarria eztabaida bat sortzea gure erantzukizunetaz arazo batzuen aurrean eta zelan ebatzi ahal ditugun, ahal dugun neurrian.

Good Vibrations from Helene Emain on Vimeo.

Matematiken garrantzia ordenagailuetan

2010-10-03T00:22:00.023+02:00

Enrike Zuazua, matematikan aditua, ordenagailuen inguruan solasean aritu da eitb-n urriaren 2an.

Zenbaki- Sistema bitar

Letrak, zenbakiak eta ikurrak zifratzeko, 0 eta 1 balioak soilik erabiltzen dituen sistema. Hauek dira sistema hamartarreko lehen hamar zenbakiak, sistema bitarrean adierazita:

0 - 00001 - 0001

2 - 0010

3 - 0011

4 - 0100

5 - 0101

6 - 0110

7 - 0111

8 - 1000

9 - 1001.

Irudia: sciascia

Zenbaki Sistemei buruz gehiago jakiteko WIKI honetan.

Proiektu telematikoak

2010-09-28T21:39:00.010+02:00

Hezkuntza.net web orrian eta bereziki eskola 2.0 atalean proiektu telematikoei buruzko informazioa eta proiektu hauetan parte hartzeko eta eskaera egiteko epeak irakur ditzakegu.Ikus. esteka hau:lankidetza proiektu telematikoak.Jarraian jartzen dudan aurkezpenarekin informazioa osa dezakegu. Eskola20 kontseiluan

View more presentations from Eskola 2.0.

The Meninas Project 2010- LH6

2010-09-21T23:04:00.010+02:00

2009-10 ikasturtean 6. mailako ikasleek eta haien tutoreek eginiko ikerketa; Txema Becerril, EHU-ko katedradunak eta Ana Sofia, irakaslea eta B07-ko aholkulariak prestatutako proiektuan (The Meninas Project 2010) oinarrituta.

http://kurubioa.edu.glogster.com/bioaniztasuna-eta-kutsadura-lh6/

The Meninas Project 2010 HH5

2010-09-12T21:00:00.011+02:00

"The Meninas Project 2010"ekin jarraituz, hemen dugu HHko 5 urteko ikasleek egindako lana glog baten adierazita. Tutorea Ana Jesus izan da.

Google translate

2010-09-04T19:18:00.008+02:00

Googlek aurkezten dizkigun erreminta edo tresna guztien artean, google translate erabilgarrienetariko bat da. Gainera, orain dela gutxi, hobekuntza batzuk gehitu ditu.

The Meninas Project 2010-4.maila

2010-09-04T00:23:00.013+02:00

2009-2010 ikasturte bukaeran eta zientzia proiektuaren helburuak praktikan jartzeko, ziklo desberdinetako ikasleek hazi batzuekin esperimentuak egin zituzten.
Hona hemen 4. mailako talde baten lana.

http://kurubioa.edu.glogster.com/hazi-desberdinak-eta-azidotasuna/

Euskal Herriko musika tresna tradizionalak

2010-08-09T19:05:00.014+02:00

Hauxe da web 2.0ko Glogster EDU zerbitzuaz baliaturik sortu dudan 1go gloga. Bukatu barik dago oraindik baina apurka apurka osatuko dut.

Euskal Herriko musika tresna tradizionalak

Euskal musika tresnei buruz informazio gehiago hemen.

Jon Braun

2010-07-24T17:45:00.009+02:00

Sare sozialak

2010-07-24T17:24:00.014+02:00

http://kurubioa.edu.glogster.com/sare-sozialak/

Autonomia erkidegoak

2010-07-09T18:53:00.014+02:00

Lan kolaboratibo honen bitartez, Imanol Ostolozaga eta neu datorren ikasturterako materiala prestatzen ari gara. Kasu honetan, Autonomia erkidegoak lantzeko glog batzuk egiten ari gara. Dagoeneko Kanariak eta Kantabria bukatuta daude baina, apurka apurka, osatzen joan gaitezke.

Imanol Itsasoko Ama LHIan lan egiten ari da.

Euskal abeslariak

2010-06-23T18:47:00.036+02:00

Blog honetan:

Euskal abeslariak, Imanol Ostolozaga eta biok, Paki Pajuelo, euskal abeslari eta musikarien lanak biltzen joango gara, irakasle eta ikasleentzat erabilgarriak izango direlakoan. Horretarako, YouTubeko bideoak eta beste errekurtso batzuk erabiliko ditugu. Baita Web 2.0 zerbitzu batzuetaz ere baliatuko gara; bereziki, glogster zerbitzua oso egokia ikusi dugu gure helburuetarako.

Eskola 2.0 sare sozialean elkar ezagutu dugu eta ideia hau aurrera eramatea bururatu zaigu.

http://euskalabeslariak.blogspot.com/

Matematikak liburutegian

2010-06-13T18:19:00.021+02:00

"Matematikak Liburutegian" proiektuaren barruan, Raul Ibañez EHU-ko irakaslea Liburutegira etorri zen ekainaren 10ean (10:00etatik-11:00etara), 4. mailako talde batekin (Mertxe), jolasaren bidez, matematikak lantzera.

Erabilitako jolasak: Artzain jokoa, Nim, Pentomino, Tangrama, Ataskoa, Tantrix, Discovery...

Ikasleek matematikaren alde ludikoa bizi izan dute, binaka, hirunaka, ordubete luze jardunduz eta elkarri lagunduz.

Amaieran konklusioak ere ateratzeko denbora izan zuten.

Di-da batean jolastordua heldu zen. Baina ez da hor bukatuko, horietariko jolas batzuk liburutegian aurkitu ditzakegu eta datorren ikasturtean jolasteko momentua aurkituko dugu.

Askotan esan dut, baina ez dago soberan berriro ere errepikatzea Kristina, liburutegian, egiten ari den lan bikaina. Ekintza asko antolatzen ditu eta guztiak kalitate handikoak.

Eskerrik asko, Kristina.

http://www.divulgamat.net/

Giza eta arte- kulturarako gaitasuna

2010-06-05T22:51:00.020+02:00

Curriculumean ezartzen diren gaitasunak, garatzeko

a) Zientzia-, teknologia- eta osasun-kulturarako gaitasuna.
b) Ikasten ikasteko gaitasuna.
c) Matematikarako gaitasuna.
d) Hizkuntza-komunikaziorako gaitasuna.
e) Informazioa tratatzeko eta teknologia digitala erabiltzeko
gaitasuna.
f) Gizarterako eta herritartasunerako gaitasuna.
g) Giza eta arte-kulturarako gaitasuna.
h) Norberaren autonomiarako eta ekimenerako gaitasun

mota askotako ekintzak edo jarduerak lantzen dira eskolan; esaterako, gure ikasleek giza eta arte-kulturarako gaitasuna garatzeko, musikarekiko sentsibilizazioa eta zaletasuna pizteko eta sustatzeko asmoz, ekainaren 2an, goizeko 9:00etatik 11:00etara, gugaz egon da Xabier Lizaso, piano jolea. Ikasleek musika klasikoaz disfrutatzea lortu du.

Egurrezko gimnasioan egin dira saio bi, lehenengoa 3. mailakoekin eta bigarrena 4. mailakoekin.

Musikaria heldu bezain laster, ikasleak bi taldetan banandu ditu eta zeintzuk diren arauak esan die: ixilik, ondo jezarrita eta besoak gurutzatuta egon behar direla puntu gehiago lortzeko lehiaketan. Esan beharra dago oso parekatuta gelditu direla talde biak puntuazioan; talde baten galtzearen "errua" irakasleona izan da, zeren eta txarto jezarrita egon baikara.

Ekintza batzuk planteiatu ditu eta guztietan umeak adi egon dira eta gustura parte hartu dute oso saio dinamikoan; arrakasta gehiago lortzeko arreta ezinbestekoa izan da.

1. Ekintza: doinu desberdinak jo eta ikasleek irudikatu behar izan dute egoera zein izan litekeen.

2. Isaac, 2 urteko mutiltxoaren istorioa kontatu du. Umeak bi urte zituela bazekien oso ondo jotzen pianoa baina behin, ekitaldi batean, gizon batek oihukatu zuen esanez gezurra zela eta teloiaren atzekaldean beste pertsona bat zegoela jotzen.

Istorioa kontatu eta gero galdera batzuk egin ditu eta ia guztiak oso ondo erantzun dituzte ikasleek.

3. Musikak lagunduta, eta begiak estalita, pelutxe bat aurkitu ondoren, besarkatu egin behar zen. Jarduera honetan neska bat, mutil bat eta andereño batek hartu dute parte.
Bost doinu desberdinen arabera, begiak estalita dituena aurrera, atzera, eskuinera edo ezkerrera mugitzen da, bosgarren doinua makurtzeko eta pelutxea besarkatzeko da. Hau lortzen denean jokua bukatzen da.

4. Erritmoa landuz kanta bat egin dute denon artean. Hauxe:

Goazen eskolara
Txoratuta al zaude?
Goazen eskolara
Txoratuta al zaude?
Bai bai ez ta bai
Kantatuz dantzatuko dut zurekin
Bai bai ez ta bai
Kantatuz dantzatuko dut zurekin
Eta zer egingo dut
Bihar goizean?
Kantatuz eta dantzatuko dut zurekin
Bai bai ez ta bai
Kantatuz dantzatuko dut zurekin.
Bai bai ez ta bai
Kantatuz dantzatuko dut zurekin.

Ziur gaude ikasleek ez dutela inoiz ahaztuko.

Euskal eskola publikoaren jaia (2010)

2010-06-04T13:01:00.010+02:00

Aurten Euskal Eskola Publikoaren XIX. jaia Amurrion ospatzen da.

(Wikipediatik hartutako irudia)

Jai espazioa zortzi gunetan banandu da ekintzen arabera ("GE" aldizkaritik hartutako informazioa):

1 UDALETXE PLAZA (Informazio gunea)

13:00tik JANARIA Paella eta oilaskoa

Egun osoan zehar udal frontoian: RAC (bide-hezkuntza)

2. ARMURULANDA PLAZA (Euskal HIP-HOP gunea)

11:00 IKASI! Graffiti, scratch, Dj eta break dance

16:00 GOZATU! Rap, bertso-sound

3. SAN ANTON PLAZA (Tailerrak)

10:30 BILTZEN (tailerrak)

12:30 MALAS COMPAÑÍAS "Oilaskoetxea" (kale ikuskizuna)

Egun osoan zehar: umeentzako tailerrak Biltzen-en eskutik (henna, makillajea eta abar)

4. ELEXONDO KALEA (Kale animazioa)

11:00 TAMSNA (perkusio afro- arabiarra)

13:00 BUILAKA (batukada)

16:00 TAMSNA

17:00 BUILAKA

5. LARRINAGA KALEA (Antzerkia eta musika)

11:30 HORTZMUGA "Superplast" (kale antzerkia)

18:00 ERDIZKA LAUETAN (erromeria) BIZARDUNAK (kontzertua)

6. UDAL PARKEA (Kirol gunea)

10:30 HULU aisia eta abentura

11:00-13:00 Arku -tiroa

15:30 EIDABE "Lore Power" (umeentzako berbena)

16:00-18:00 Arku -tiroa

16:30 TRAPU ZAHARRA "Camping renove" (kale antzerkia)

(Izotz-rokodromoa, zubi tibetarra, tirolina, jumping eta abar)

7. LUCAS REY LHI (Jolas gunea)

10:30 ANIMAGIC (tailerrak)

12:00 ANTZEZKISUNA "Birusak erasoan" (txotxongiloak)

17:00 SUN MAGOA

Egun osoan zehar: umeentzako tailerrak, puzgarriak, ludoteka...

8. ZABALEKO LHI (jolas gunea)

10:30 BETIZU FESTA

Goizean zehar: Betizu puzgarria, arreta gunea, iglu puzgarria, ludoteka eta diskofesta

Amurrio-Iparralde tren geltokian jeitsi. Txu-txu trena egongo da jaiaren erdigunera iristeko

ONGI PASA!!!!

Bertsolaritza

2010-05-20T18:07:00.051+02:00

Aurten, proiektuen artean, bertsogintza landu da. 6. mailakoek aparteko irakasle eta bertsolaria (Arkaitz) izan dute ekintza lantzeko. Hauxe da berak idatzi diguna:

Aurten 6. mailako 4 taldeek bertsolaritzako 5na ordu izan dituzte urtean zehar. Ostiraletako lehen orduan bertsolaritzara hurbilpen txiki bat egin eta hitzekin jolasean aritu gara. Uste baino gehiago dakite bertsoen eta bertsolaritzaren inguruan! Nork ez du ezagutzen “maritxu nora zoaz”?

Bertsotan egiteko, doinuaz gain nondik hasi (lehenengo bukaera pentsatu behar da!) eta noiz eta nola errimatu jakin behar da. Behin hori jakinda, doinua aukeratu eta irudimena dantzan jartzea baino ez da falta! Hain zuzen ere bertsotan egiteko zeozer beharrezkoa bada, burua erabiltzea da, irudimenari bidea zabaltzea, eta askotan umeek espero ez dugun bideetatik jotzen dute!

Ahotsa zaintzea ere ez dago gaizki... batez ere euririk egin ez dezan...
Horretan aritu gara 5 ordu hauetan, doinuak ikasi, bertsoak sortu eta kantuan; bakarka zein taldeka; buruari eraginez eta mihia zorroztuz, euskara ahoan!

ERABILIZ FINTASUNA
EDOTA ZORROZTASUNA
SAIATU GARA KANTUZ ASKATZEN
BARRUAN DUGUNA
HITZA DA GURE LAGUNA
SORTZEN DIGU POZTASUNA
EZ DAGO MODU HOBERIK ONDO
HASTEKO EGUNA

Eskerrik asko, Arkaitz, eta urte askotarako!!

Hona hemen 6. mailako ikasleek sortutako bertso batzuk:

GU ERE BERTSOLARI!

KEPA DEUNA (6. A )

Ai zapotxin!
Ez dago zer egin
jaietan dauden
mozkor guztiekin.

Heldu zaizkigu jaiak
ta zikinkeria
alferkeria asko
hori da egia.

Onena izaten da
barrakak heltzea
orduantxe ez dut nahi
jaiak amaitzea.

San Pedroko jaietan
kontzertu ugari
Mungia martxan dabil
adi musikari.

Nik gustuko dudana
juergan joatea
eta lagun denekin
txurroak jatea.

GURE GELAKO ANDEREÑOA (6. B)

Ai zapotxin!

ez dago zer egin

gure gelako

andereñoarekin.

Goizero goizero

gosaldu eta gero

eskolara joan eta

andereño bero.

Eskolako onena

txupatxusak dira

oso goxoak daude,

zelako disdira!

Ai zapotxin!

ez dago zer egin

gure gelako

andereñoarekin.

GORKA ETA MIKEL KOTXE BATEGATIK BORROKAN (6.C)

Nire anaia Mikel

kotxean gustura

baina sei urte barru

nirea izango da.

Jezarleku "Recaro"

Remus "tubarroa"

Gorkari eman aurretik

nahiago txatarra.

Nobiagana doala

oinez oraingoan

gasolina hodia

nire poltsikoan.

Hori bai kaka ederra

nire "dos cincoa"!

hurrengoan hobeto

erosi Audia.

Hori bai, hori, Mikel
erosi Audia
eta niretzat utzi
zure "dos cincoa"

ESKALEA ETA ABERATSA (6.D)

Mesedez emaidazu
limosna neretzat
familia daukat eta
eman semeentzat.

Zergatik emango dut
nire dirua ba?
Alferrik botatzea
bezala izango da.

Burugogorra zara

baina ez dut etsiko
beharrezkoa baitut
nik be bizitzeko.

Ongi, emango dizut
baina egon lasai
eta familiarekin
egon beti alai.

UDAKO OPORRAK (6.D)
Udako oporrak datoz,
hauxe dut bai poza!
azterketa bat eta
hondartzara goaz.

Bakioko hondartza (maiatzak 29)

heme

Olerkiak

2010-05-11T22:04:00.047+02:00

"Irakurketa sustatzen" planari jarraituz, pentsatu genuen olerkiak edo testu laburrak grabatzea. Horretarako, kasu honetan, Mertxeren gelakoek prestatu dute olerki bana eta hemen ditugu emaitzak:

Aurkezpena,

Infinitu (Joxantonio Ormazabal)

Zenbat ur tanta daude
itsas zabalean?
Zenbat izar
zeru urdinean?
Zenbat letra
liburuetan?
Zenbat minutu
ote ditu
mundu zahar honek?
Infinitu.
Zenbat malko isuri dira
sufrimentuaren ontzitik?
Zenbat musu banatu dira
maitasunaren kutxatik?
Infinitu.
Baina infinitu
zenbat da, aizu?
Malkoak ur tanta
bihurtzen direnean
minutuak letra
eta izarrak musu
infinitu zenbat den
orduan jakingo duzu.

Lagun bat (Kirmen Uribe)

Bada gorroto dudan lagun bat.
Zuhaitzean gora egin nahi dudanean
"ez, ez, ez, hobeto ez, " esaten dit,
"laprast eroriko zara lurrera".
Bada gorroto dudan lagun bat.
Futbolean jolastu nahi dudanean
"ez, ez, ez, hobeto ez," esaten dit,
"ipurdi azpitik sartuko dizute gola".
Bada gorroto dudan lagun bat.
Gustuko neskarengana hurreratzean
"ez,ez,ez, hobeto ez, " esaten dit,
"ez du zurekin nahiko berak".
Bada gorroto dudan lagun bat.
Anaia txikiari musu eman nahi badiot
"ez, ez, ez, hobeto ez" esaten dit
"esnatu egingo duzu umea".
Bada gorroto dudan lagun bat.
Lagun horren izena Lotsa da.
"Ez, ez, ez, inola ez " esaten diot gauero
"bihar, bihar ez dizut kasurik egingo ... bada

Ogia eta ura (Joxantonio Ormazabal)

Hau

hori

eta hura.

Edaririk onena

iturriko ura.

Hemen

hor

eta han

ogia "pan",

ebaki eta jan.

Inurria uretan (Joxantonio Ormazabal)

Igoko luke zuhaitzik altuena

baina ez luke pasatuko

errekarik txikiena.

Inurri batek

eman dit gaur pena.

Urak zeraman

errekan behera.

Hankak mugitu arren

alde batetik bestera

ezin irten lehorrera.

Nik ez dut nahi ikusi

inurririk uretan,

ez malkorik begietan

ez penarik bihotzetan.

Beltza (Joxantonio Ormazabal)

Beltzak ez dira ongi bizi

zurien artean.

Ez al dituzu ikusi

zeure etxeko atean?

Iruditzen zait

askotan hobeto bizi dela

txakurra katean.

Denok berdinak garela

esaten dugun bitartean

gezurrik eta goserik

ez da falta

gure gizartean.

Ezin dut ulertu (Joxantonio Ormazabal)

Amak esaten dit:

"Isilik zaudenean politagoa zara."

Baina sukarrarekin gaixo nagoenean

jartzen dit eskua kopetan

eta begira zer esaten didan, hara:

"Ez al daukazu hizketarako gogorik,

ez al zaude ondo, Ainara?"

Nik ezin dut ulertu.

Zergatik nahi ote nau amak

gaixo nagoenean berritsu

eta ondo nagoenean mutu?

Bihotzik gabeko panpina (Joxantonio Ormazabal)

Elur zuri hotz-hotzez

egin dugu panpin motza,

tripa handia

eta sudur zorrotza.

Denok entzun dugu

haren hitz-hotsa:

"Nork prestatuko dit,

urtu arte bakarrik,

nork prestatuko dit

bihotza?"

Euri tanta (Joxantonio Ormazabal)

Ni euri tanta banintz

egingo nuke zure sudurrean txirrist,

lurrera erortzean salto

eta hodeietara joango nintzateke berriz.

Gure mundua (Joxantonio Ormazabal)

Hostoak agur

udazkenean zuhaitzari

elurrak ere bai

udaberriko eguzkiari.

Etorri eta joan

jaio eta hil.

Gure mundua

biribil borobil

biraka dabil.

Elurra beltz

eta ikatza zuri.

Odola berde

porrua gorri

egia gezur

gezurra egi...

metro beteko sudurra

hazi zait niri.

Hiria (Joxantonio Ormazabal)

Semaforoa kukuka

hiru kolore keinuka.

Anbulantzia oihuka

ñiu-ñiu-ñiuka.

Motor beltza orruka

burrun-burrun-burrunka.

Auto guztiak marruka:

ziu-fiu-fiuka.

Ilargia kulunka

eta maiteminduak musuka.

Eguzkia elurretan (Joxantonio Ormazabal)

Elur bigun hotz-hotzak

soineko txuri-txuriz

jantzi ditu

lizar eta haritzak,

azukrezko maindirez

estali harkaitzak.

Zelai zuri leunean

irrista ta txirrista

jolasean dabiltza

eguzkiaren printzak.

Isil-Isilik dator (Joxantonio Ormazabal)

Isil-Isilik
Harri leunen gainean,
itsasora doa
ibai gardena.
Horrelaxe dator niregana
maitatzen nauena.

Ametsak (Joxantonio Ormazabal)

Maindire zuri artean
ezkutatzen dira nire ametsak.
Berdinak direla
zuriak eta beltzak.
Nazio probreei laguntzen dietela
nazio aberatsak.
Diruak baino gehiago
balio duela bizitzak.
Isildu direla betirako
bonba eta fusil hotsak.
Baina jaikitzen naizenean
pena hartzen du nire bihotzak.
Maindire zuri artean
ezkutatzen direlako nire ametsak.

Ama (Joxantonio Ormazabal)

Gu garbitzeko
bera zikindu,
urak horixe
egiten du.
Amak bere umea
maite du benetan
iribarre egiten dio
nahiz eta bera egon
barrutik penetan.
Ura da
izadiaren ama
gu gara
amaren zama.

Bi gezur eta bi egi (Joxantonio Ormazabal)

Bi gezur eta bi egi
kontatutzera noa ni.
Gezurra ala egia?
Zortzi eta lau hamabi.
Autoa ala berebil
ni txofer ikasten nabil
gezurra ala egia?
Nire autoak bost gurpil.
Gu hamar anai izanda
bakoitzak badu arreba.
Egia ala gezurra?
Gu hogei senide gara.
Nondik jaiotzen da, nondik?
Nik behintzat hori badakit
gezurra ala egia?
Saguzarra arrautzatik.

Askatasuna (Joxantonio Ormazabal)

Pinpin-txoria
Txin-txin txin-txiri
kanta kantari,
adarrez adar
salta saltari.
Zezen gorria
ufa-ufaka
ipur saltoka
eta adarka.
Jolaserako
gogoa dauka.
Kaiolarik ez
txoriari!
Ezpatarik ez
zezenari!
Ireki leihoa
askatasunari!

Zorionak zuri (Joxantonio Ormazabal)

Hamar urte
bete ditut bete,
etxean eta kanpoan
zoriondu naute,
bi belarriak, tira eta tira,
gorritu dizkidate.
Erregaliak ere jaso ditut
ez gutxi, dexente.
Orain mahai baten inguruan gaude
gaileta, pasta eta txokolate
eta lagun guztiak niri kantari:
"Zorionak zuri, Bixente!"

Amaren sabelean (Joxantonio Ormazabal)

Goxo-goxo, epelean
hor dago haurtxoa
amaren sabelean.
Negar egingo du
jaiotzean denean,
maxka-maxka hasiko da
amaren bularra
aurkitzen duenean.
Baina utzi oraindik
haurrari bakean
epel-epel, goxo-goxo
amaren sabelean
jaiotzeko ordua
iritsi bitartean.

Aitonaren bastoia (Joxantonio Ormazabal)

Aitona hil zait eta
amonak esan dit:
"Hura zeruan dago
ez izan dudarik".
Eta amonari
galdetu diot nik:
"Baina nola ez du, ba,
eraman bastoirik?"

Gezurretan (Joxantonio Ormazabal)

Elurra beltz
eta ikatza zuri.
Odola berde
porrua gorri
egia gezur
gezurra egi...
metro beteko sudurra
hazi zait niri.

Negarrez (Joxantonio Ormazabal)

Txio eta pio
Txoriaren kantuari
Negarra dario
Ehiztari batek
Lagunik maiteena
Tiroz hil baitio.

Sí eta No (Joxantonio Ormazabal)

Goizetan logure

eguerdietan gose,

gazteleraz "no sé".

Goizetan jaiki

eguerdietan jan,

"Lenguaje"eskolan.

Sí eta no

bai eta ez

ikasten ari naiz

las, los, les.

Txikiegia oraindik (Joxantonio Ormazabal)

"Zu txikiegia zara oraindik".

Entzun dut hamaika mila aldiz.

Ezin naiz ibili plisti-plasta

ezin naiz ibili zaldiz.

-Ama, ez kendu telebistarik.

Pelikula hori ikusi nahi dut nik.

-Zu txikiegia zara oraindik,

eta zoaz azkar ohera.

Sartu naiz ohean, deitu diot aitari

eta ipuin bat kontatzeko eskatu berari.

Baina gogo gutxi aitatxok

alabaren kutixia betetzeko:

-Handiegia naiz ni, ume,

zuri ipuinak kontatzen hasteko.

Eta bada garaia lo egiteko.

Telebistari begira

aitatxo eta amatxo

egongelan gelditu dira

mantxo-mantxo.

Batzuk handiegiak

besteak txikiegiak...

maindirepean bustirik

daude nire begiak.

Irudigile bat: AXPI

2010-05-06T00:26:00.011+02:00

Apirilaren 29an, arratsaldez, liburuzainak gonbidatuta, Legardalde herri Ikastetxera Ainara Azpiazu (AXPI) irudigilea etorri zen. 6. mailakoekin egon zen, marrazkiak zelan egiten dituen azaltzeko eta oso marrazki politak utzi zizkigun.

Posterrean agertzen dira, estekatuta, bere web orria eta bere bloga. Bertan ikusi ahal dira berak eginiko beste marrazki batzuk.

Marrazteko duen erreztasunak harritu gintuen eta, batez ere, bapateko marrazkien kalitatea.

Eskerrik asko Ainara.

Ipuin kontalaria: Ixabel Millet

2010-05-01T21:25:00.008+02:00

"Idazleak Ikastetxeetan" liburutegiko programaren barruan Legardalde herri Ikastetxera etortzeko hainbat idazle, ipuin kontalari etabar gonbidatzen dira bere lana aurkez dezaten. Haietariko bat Ixabel Millet izan da.

Argazkian ikusi ahal den bezala, apirilaren 26an gurekin egon zen eskolako liburutegian, goizez 3, 4 eta 5 urtekoekin eta arratsaldez 1. eta 2. mailakoekin.

Bere ipuinak eta istorioak zoragarriak izan ziren eta umeek adi-adi entzuten zituzten eta baita gustura parte hartzen zuten ere.

Zerbait gehiago jakiteko ipuin kontalari honi buruz klikatu hemen.

Bizkaia 21 autobusa

2010-05-01T20:25:00.011+02:00

Agenda 21 proiektuan gaudenez, apirilaren 15ean, Bizkaia 21 autobusa gure eskolara etorri da. "Hiria eta hondakinak" gaia landu dute ikasleek hainbat ekintzaren bidez. 5. eta 6. mailako ikasle guztiek parte hartu dute.

Birziklatzearen garrantzia eta sentsibilizazioa helburutzat izan dugu.

Ikasleak pozik eta gustura egon dira.

Heziketa- programa honekin lantzen diren gaiak dira:

Iraunkortasuna

Uraren gastua arrazionalizatzea

Energia eraginkortasuna

Joan-etorri iraunkorrak

Hondakinak

Zentzuz erostea

Aisialdi arduratsua

Klima aldaketa.

Informazio gehiago hemen.

Nola sortu poster multimedia edo GLOGA?

2010-04-22T01:09:00.021+02:00

Hitzak antzekoak dira baina ez da gauza bera: BLOGA eta GLOGA.
Ondorengo dokumentuan Marijek azaltzen du oso argi nola sortu glog bat.

Glog-Baten-Sortze-lana-Glogster-Tutoriala
Marije Uragak antolatutako ikastaroan ikasitakoari esker partaideok glog batzuk sortu ditugu. Glog hauek aurkezteko, berak blog bat ireki du eta honela geratu da:

POSTERDIGITAL (MARIJE URAGA)

Konturatu gara errekurtso hau oso erabilgarria izan daitekeela irakaskuntzan, ikasleekin lan egiteko, oso erakargarria baita. Hona hemen beste adibide bat, Legardaldeko B ereduko 4.5. eta 6. taldeko tutoreak sortutakoa:

TUTIFRUTI

Glog honetan, tutoreak esteka batzuk jarri ditu maila bakoitzeko ikasleentzat.

Bloga, gelarako errekurtso bikaina

2010-04-18T23:28:00.019+02:00

Blog bat Interneteko gune bat da eta bertan argitaratu ahal dira istorioak, artikuluak, imajinak, bideoak, iritziak...

Blog bat sortzeko aukera asko daude: blogger , wordpress, nireblog...

Blog baten ezaugarriak:

Libreak dira: gure blogean nahi duguna idatz dezakegu.

Kronologikoak: argitaratu dugun azkena, hasieran agertzen da.

Irekiak izan daitezke, egileak komentarioak onartzen baditu.

Kategorizatu ahal dira, honela gaiak sailka ditzakegu..

Blogaren erabileragaz hasteko, hemen dugu aurkezpen bat lehenengo hurbilketa egin dezagun. Irakurtzeaz gain, komenigarria izango litzateke praktikan jartzea eta, horretarako, modurik onena da bat irekitzea eta argitaratzen hastea.
Adituen laguntza dugunez (Marije, Maite, Joseba...) nire proposamena da beldurra kentzea eta "piszinara salto egitea" :-) egiten ikasten baita. Neuk ere, dakidana irakasteko irrikitan nago.

http://www.scribd.com/full/23531746?access_key=key-wguo9sti1j8zhe423s4

Ipuinak

2010-04-17T20:08:00.007+02:00

Lankide baten bitartez, jakin izan dut, urtero, Rafael Mikoleta Ipuin Lehiaketa antolatzen dela. Lehen aldiz 1989an egin zen eta dagoeneko XXI. ekitaldiaren ipuinak argitaratuta daude. XXII. ediziorako deialdia 2010eko urtarrilaren 29an bukatu zen eta ekainean izango da sarien banaketa. Urtero 800 ipuin inguru aurkezten dira.

Lehiaketa honen helburua Lehen Hezkuntza (2. eta 3. zikloak) eta DBHko ikasleek euskaraz irakurtzea eta idaztea da.

Interesgarria iruditu zait hemen ipintzea azkenengo urteetako ipuinak, gelan oso erabilgarriak izan daitezkeelako, irakurketa lantzeko eta, era berean, ikasleak idaztera motibatzeko.

2006. urtea
2007. urtea
2008. urtea
2009. urtea

2008ko ipuinen artean, bat aukeratu dut, birziklaketa gaia tratatzen duena:

Komuneko paperaren istorioa

Kaixo! Komuneko papera naiz. Beno, izan nintzen, bizitza asko izan ditudalako. Orain kontatuko dizuet guztia.
Ni komuneko papera nintzen eta pakete batean nengoen, ni bezalako beste batzuekin. Oso pozik bizi nintzen lagunekin, baina, egun batean, norbaitek erosi gintuen eta bere etxera eraman gintuen.
Etxera ailegatu bezain laster, paketea zabaldu zuten eta ni hartu ninduten. Oso gauza handi eta zuri baten alboan utzi ninduten, ze zakarra zen gauza hori!Komuna zen gauza zuria. Handik ordu batzuetara, pertsona bat sartu zen gelan eta komunaren gainean eseri zen. Gero, nire beroki zuriaren zati bat hartu, zikindu eta komunetik bota zuen. Horrela, pixkanaka-pixkanaka, nire berokia amaitzen hasi zen, biluzik geratu arte.
Orduan, zakarrontzi batera bota ninduten. Han kartoizko eta paperezko gauza asko zeuden: amaitu gabeko marrazkiak, umeen artelan apurtuak, kutxa hutsak... Oso leku triste eta penagarria zen, balio gabeko gauzok hara botatzen gintuztelako.
Inork ez zekien zer gertatuko ote zen. Batzuek uste zuten deabruarekin eramango gintuztela. Beste batzuek, berriz, paper zuri-zuri eta on baten aurrera, Paper Jainkoa izenekoa, joango ginela eta gauza asko emango zizkigula. Nik ez nekien zer pentsatu.
Egunak pasatu ziren eta egun batean soinu handi bat entzun genuen. "Paper Jainkoa da!" —oihukatu zuten batzuek— "Bere etxera eramango gaitu!". Baina ez, ez zen Paper Jainkoa. Bakarrik gogoratzen dut beste gauza bat, guztiekin batera ontzi handiago batera jausi nintzela. Gero, lo geratu nintzen.
Esnatu nintzenean, handiagoa nintzela iruditu zitzaidan. Bai! Handiagoa nintzen! Handia eta karratua! Neure buruari begiratu nion; handia, karratua, estalkiduna... kutxa bihurtu nintzen!
Objektu batzuek uste zuten hiltzean beste bizitza batzuk bizi genitzakeela, eta egia zen. Birziklapena deitzen zioten.
Baina, non nengoen? Ez nekien. Baina bat-batean ate bat zabaldu, ni hartu eta iluntasunetik atera ninduten. Denda batean nengoen eta jendea leku batetik bestera zihoan, zapatak begiratzen. Zapatak eta zapatak, kutxen barruan, leku guztietatik zeuden. “Zapata batzuk sartuko dizkidate!” pentsatu nuen.
Orduan esku batzuek ni zabaldu eta “Puma” izeneko bi kirol oinetako sartu zizkidaten. Gero, apal batean jarri ninduten. Orduak pasa eta gero jendea joaten hasi zen. Azken pertsona joan zenean guztia ilun geratu zen eta nire barruan zeuden kirol oinetakoekin hizketan hasi nintzen. Horrela, “Pu” eta “Ma” ezagutu nituen. Anaiak ziren, 38 neurrikoak eta Puma markakoak. Ia beti eztabaidatzen zeuden eta, batzuetan, borrokan. Nik eskatu nien, mesedez, geldi egoteko, min ematen zidaten eta.
Une hartan, norbaitek negar egiten zuela entzun genuen. “15 neurrikoak, isildu, mesedez, horrela ezin da lorik egin!”. 15 neurrikoen kutxak protestatu zuen—“Ez da hain erraza, txikiak dira eta!”. Orduan, 40 neurriko zapatek, oso serio, esan zuten— “Mesedez, ganora pixka bat!”. “Isildu!” —esan zuten “Pu”-k eta “Ma”-k. “Bikote pijoa!” erantzun zuen norbaitek, eta zapata eta kutxa guztiak eztabaidatzen hasi ziren. Eskerrak azkenean guztiok lo geratu ginela!
Hurrengo egunean erosi gintuzten, “Pu”, “Ma” eta hirurok. Ni berriz bota ninduten zakarrontzira eta nire hurrengo bizitzak honako hauek izan ziren: koaderno bat, egutegia, gaileta kutxa eta mila gauza gehiago.
Badakizu zer naizen oraintxe? Zure eskuetan duzun ipuinaren orria naiz eta hauxe da nire biziaren bizitzarik zoriontsuena."

Guillermo Manzanares Domínguez

La Salle - Bilbao

The Meninas Project 2010-irakasleak

2010-04-10T02:40:00.023+02:00

http://kurubioa.edu.glogster.com/the-meninas-project-2010/

Ikerketa proiektu hau burutu eta gero, ikasleekin egingo dugu parte hartu dugunok. Hala ere, beste irakasleentzat ere zabalik dago, baina datuak eman behar ditugu lehenbailehen, Berritzeguneko antolatzaileek materialak prestatzeko.

Ikasleekin ikerketa proiektuan parte hartuko dugunok:

Haur Hezkuntza

3 gela (4 urtekoak) --- 61 ikasle

Hiru tutore: Arantza G, Ana Jesús B, Maitane G

Lehen Hezkuntza

1. Zikloa: 4 gela (2. mailakoak) --- 83 ikasle

Lau tutore: Maribel V, Pilar F, Gurutze A, Laura Z

2. Zikloa: 2 gela (4. mailakoak) --- 43 ikasle

Bi tutore: Mertxe, M. Carmen E

3. Zikloa: 8 gela (5. - 6. mailakoak eta 4.5.6. mailako taldea) ---151 ikasle

Zortzi tutore: Lourdes V, Karmele U, Jaione B, Gorka A, Irune L, Josu S, Maite L, Marta D

Bi irakasle: Paki P, M. Paz T

Guztira: 338 ikasle, 19 irakasle, 17 gela

Egiten ikasten da

2010-04-01T23:31:00.045+02:00

ARTELANAK

http://www.youtube.com/watch?v=8OcoOtO59PI
Bideoaren hasieran 2009ko Legardalde Egunean ikasleek, Kontxiren laguntzarekin, lorategiaren inguruko horman margoztutako imajinak ikusi ahal dira. Zelan garatu den Artea, irudikatzen da. Jarraian, aurtengo beste lan batzuk ikus ditzakegu.

Trikitixa kantatzeko hitzak, hurrengo estekan aurki ditzakegu:

ARRAPALADAN

Hona hemen LEGARDA EGUNA 2009ko beste argazki batzuk, Guraso Elkarteak kudeatzen duen web orriatik ekarrita.

UDABERRIA

2010eko martxoaren 26an Udaberriko jaia ospatu dugu eskolan. Urtero bezala, ekintza berezia izanik, mota askotako jarduerak antolatzen dira. Aurtengo aktibitateak, Agenda21 programan sartuta gaudenez, birziklaketara zuzendu dira eta, material desberdinak erabiliz, lan ederrak egin dituzte gure ikasleek irakasleen laguntzarekin.

AUPA LEGARDALDEKOAK! ZORIONAK!!!! Ea gustatzen zaizuen prestatu dudan bideoa!

http://www.youtube.com/watch?v=tEQft9T3TvQ&feature=player_embedded

Windows Movie Maker programaren bidez egindako bideoak dira, argazkiak eta soinua erabiliz.

Argazkiak izan beharrean, bideo kamerarekin grabatutako clip laburrak ere txertatu ahal dira.

Ondorengo estekan ikusi ahal da zelan egin bideo bat movie makerrekin.

MOVIE MAKER

Egia esan, Interneten tutorial oso onak daude programaren erabilera ikasteko. Hala ere, apiriletik aurrera, praktikan jarri ahal dugu, ikasteko batzuk eta hobetzeko beste batzuk.

AHAZTEN EZ DUGULAKO ...

Gure ikasleak, 2008an, Larraitzekin Bilbora abestera joan zirenean...

Goraintziak Larraitz, Marisol eta ikasle ohiei.

Ainhoari gure esker onak, behin baino gehiagotan atzean laguntzen egon delako.

Irakaslegoaren formakuntza

2010-03-14T23:00:00.005+01:00

Matematika, curriculumeko garrantzizko atala izanik, eta gai honetan sakontzeko asmoz, aditu bi gonbidatu dira Legardalde Herri Ikastetxera hitzaldiak ematera: Carlos Gallego eta Juan Emilio Garcia.
Carlos Gallegok matematikari buruzko liburuak eta artikuluak idatzi ditu. Batzuk aipatzearren:
"Repensar el aprendizaje de las matemáticas: matemáticas para convivir comprendiendo el mundo"
Eta aldizkarietan argitaratutako artikulu batzuk, besteak beste:
"El aula, escenario de las matemáticas" "Las paradojas de enseñar matemáticas""La vida matemática"...
Planteatzen duena:

Kultura kurrikularraren aldaketa?

Umeek zenbakiekin elkarrizketak izan behar dituzte.

Juan Emilio García Jimenez-en argitalpenen artean honako hauek aurki ditzakegu: "Resolución de problemas" "Resolución de problemas y desarrollo de capacidades", besteak beste.

Azaldu duena:

"Vivimos en un proceso de cambios educativos, sin embargo, ¿ha habido realmente cambios tan significativos en la práctica docente?"
"La competencia matemática consiste en la habilidad para utilizar y relacionar los números, sus operaciones básicas, los símbolos y las formas de expresión y razonamiento matemático, tanto para producir e interpretar distintos tipos de información, como para ampliar el conocimiento sobre aspectos cuantitativos y espaciales de la realidad y para resolver problemas relacionados con la vida cotidiana y con el mundo laboral."

Proposatutako ideiak:

Estimular el uso de las tecnologías en las clases, como recurso del profesor y del alumno. Esto permitirá desplazar el centro de gravedad de la educación matemática de los cálculos algorítmicos a los conceptos, propiedades y resolución de verdaderos problemas.

Plantear en las clases situaciones que se puedan presentar en la vida cotidiana y en el contexto de los alumnos.

Cambiar la actual concepción de la evaluación, de tal modo que se valore como los alumnos razonan, se comunican matemáticamente y resuelven problemas. Hagamos medible lo que es verdaderamente importante, en lugar de hacer importante lo que es más fácilmente medible.

Garrantzi handia ematen dio irakasleen etengabeko formakuntzari.

Ez da ahaztu behar, Juan Emilio Garciak, Sestaoko Berritzeguneak antolatutako Matematika Jardunaldietan, parte hartu duela.

Lehen Hezkuntzari dagokiona:

24an: Lehen Hezkuntzako irakasleei zuzenduta
- Benito García Peinado. CEPR Pablo Olavideko IKT Koordinatzailea (Cádiz): “Hezkuntza berriztatzea Eskola 2.0-ren bidez”. 9,30-13,30

25 eta 26an: Lehen Hezkuntzako irakasleei zuzenduta
- José Luis Álvarez García. Aviles-ko IES Nº5ko matematika irakaslea (Asturias): “IKT baliabideak Lehen Hezkuntzan”. 9:30 – 11:15.
- Juan Emilio García Jiménez. CPR Villarrobledoko matematika aholkularia (Albacete): “Matematikarako konpetentziaren garapena Lehen Hezkuntzan”. 11:45-13:30.

IRAKASLEEN ETENGABEKO PRESTAKUNTZA: GARATU

2009/10-Erakunde pribatu eta publikoei deia

2009/10- Prestakuntza plan orokorra

(Ikasturte honetako ikastaro batzuk, oraindik, ez dira amaitu)

2010/11- Erakunde pribatu eta publikoei deialdia

21. orrialdetik 31. orrialderaino, V. eranskinean, agertzen da, multzoka, 10/11 ikasturterako proposatutako ikastaroen zerrenda.

Behekaldean, argibide gisa, honako hau:

(1)--Postu kopurua

(2)--Hizkuntza: E=Euskara, C= Gaztelania, E/C= Euskara edo Gaztelania, I=Ingelesa, A= Alemana, F=Frantsesa

(3)--Lekua: 1 Araba, 2 Bizkaia, 3 Gipuzkoa, 4 On-line, 5 Erresuma Batua, 6 Frantzia, 7 Alemania, 8 Suitza

2010/05/23

GARATU 2010/2011
IKASTAROAK
Hezkuntza.net orrian ikastaroen zerrendak dauzkagu.
Matrikulatzeko epe bi daude:
1. EPEA: Maiatzaren 14tik 25era arte
2. EPEA: Irailaren 6tik 24ra arte

Ikastaroen eskaera
Eskaera on-line On-line eskabidea aplikaziotik ez da bidali behar. Eskabide-saio bakoitza ixterakoan, eskabidea gordeta geldituko da, eta eskabide-epeko azken egunera arte aldatu ahal izango da.
EDO
Paperezko eskaera Eskaera beteta, Hezkuntza delegaritzetara personalki eraman edo posta arruntez bidali:
Bizkaia. Gran Vía, 85. 48011 - Bilbao

Sarria eta Sukarrieta

2010-03-13T01:02:00.004+01:00

Datorren astean, 4. mailako ikasleak, batzuk Sarrian eta beste batzuk Sukarrietan , egongo dira.

Sukarrietan Ingurumen Hezkuntzako Lan- Proiektuak (Lurra, Basoa, Ura, Itsasadarra eta Planeta Berdea) garatzen dira eta hauetan Agenda 21 proiektuarekin oso lotuta doazen gaiak: kontsumoa, ura, elikadura eta baita ekosistemak ere. Lan proiektu hauek talde lanean, Natura ikerketan eta hausnarketan oinarritzen dira eta curriculumarekin erlazionatuta daude.

Sukarrieta Urdaibain dago.

Irteeretan, ingurumenetik datuak jaso, analizatu eta ondorioak ateratzen dira; guzti hau Naturari laguntzeko asmoz.

Mota askotako tailerrak antolatzen dira: sukaldaritza, zeramika, argazkigintza, ehungintza, astronomia, irratigintza, bideogintza... Adibide gisa, hona hemen Astronomia tailerrean egindako lan batzuk: Izar-kutxa, Eguzki-erlojua eta Nortasun agiri galaktikoa.

Bizikidetza lantzeko eta pertsona berriak ezagutzeko aukera aparta da; izan ere, ikastetxe desberdinetako ikasle eta irakasleak elkartzen dira jantokian, ludotekan...

Joan baino lehenago, arduradunek gomendio batzuk ematen dituzte:

Eraman behar den arropa mota eta garbiketa pertsonalerako tresnak edo gauzak.

Eramateko beharrezkoa ez dena: dirua, jostailuak, gozokiak, balio handiko gauzak, lo egiteko zakuak, koadernoak...

Sarriatik itzuli dira asteazkenean (martxoak 17) eta Sukarrietan egon direnak ostegunean (martxoak 18) arratsaldeko hirurak eta laurdenetan.

ITZULERA

Irribarreek argi adierazten dute unearen zoriona, berriro guztiak elkartzerakoan.

Kirolariak

2010-02-28T22:04:00.013+01:00

2010/02/21

2010eko otsailaren 21ean, 4. mailako ikasleak bere tutoreekin jantokian egon dira kirolari batzuen hitzaldia entzuten, geletan lantzen diren gaiak borobiltzeko, ikasleak motibatzeko eta beraien esperientziak azaltzeko. Aurten gaia "lokomozioa aparatua" izan da (hezurrak eta giharreak) eta kirol bakoitzean gehien lantzen diren giharrak, giharren lesioak, elikadura eta beste hainbat gai azaldu dizkigute.

Hezurrak eta giltzadurak

Giharrak

M. Karmenek egin du aurkezpena. Kirolariak hauexek izan dira: Idoia Landaluze, Ibon Larrazabal eta David Bustamante.

Idoiak Gimnasia erritmikoa eta aerobic irakasten du, Ibon futbolaria da eta Davidek, (“Zuku”), surf txapelketetan parte hartzen du.
Idoia, gainera, orain bederatzi urte Euskal Herriko selekziokoekin txapeldunak izan ziren.

IDOIAk hitza hartzen du lehenengoz eta gauza inportanteak aipatzen ditu kirola eta elikadurari buruz. Kiroletan beroketa oso garrantzitsua da eta apurka- apurka egin behar da. Ezin da kirola egiten hasi berotu barik. Lehenago egiten da beroketa orokorra eta gero gihar espezifikoena.
Gimnasia erritmikoan gihar guztiak lantzen dira: aduktorea, kuadrizepsak, abdominalak ...
Ariketak bukatutakoan, muskuluen edo giharren luzaketa egin behar da.
Denetarik eta ondo jan behar da gorputza ondo funtzionatzeko: barazkiak, frutak, arrautzak, arrainak… Gorputzari eman behar zaio behar duena era orekatuan. Adibide bat ipini zuen: Diesel behar duen auto bati gasolina botatzen bazaio, apurtu egingo da.

http://eu.wikipedia.org/wiki/Gihar_sistema
IBON futbolaria eta irakaslea da; Idoiak bezala esan du denetarik jan egin behar dela, elikagai bakoitza neurrien arabera. Gomendio bat eman du: "Gusteu ez arren, sasoi bakoitzekoa jan behar da, onena delako; esaterako, tomateak udan, laranjak neguan..."

Elikadura zaindu behar da.
Kirola egiten den bitartean, ura edan behar da, zeren eta izerditik likido asko galtzen baita. Ez badugu ur hori berrizten, giharrak apurtu ahal dira eta lesioak sor daitezke.
Jan behar diren elikagaiak, besteak beste: pastak, bitaminak (tiroiak ez edukitzeko)...

http://www.intermonoxfam.org/cms/HTML/espanol/2400/cuaderno_salud_c3_eusk.pdf

Zein muskulu lantzen dira futbolean??Batez ere hankatakoak: tibialak, bikiak, kuadrizepsak, iskiotibialak...
Oreka lortu behar da giharren artean: gerritik gorako muskuluak eta gerritik beherakoen artean. Ez da komenigarria beheko muskuluak oso landuta edukitzea eta gorakoak oso gutxi, oreka bat egon behar da.

http://www.vascodecamping.org/at/ate4030400.shtm

DAVIDek esan du era asko dagoela beroketa egiteko: artikulazioak mugitu, gerria, belaunak, sorbalda… berotu eta luzatu.
Pozik eta zoriontsu bizitzeko beharrezkoa da gorputzaren osasuna.

Arnas Aparatua

View more presentations from Juan Arbulu.

Ez da ahaztu behar jaten dugula elikatzeko.
Surf kirolerako birikak oso ondo mantentzea txit garrantzitsua da, ur azpian arnasa hartu barik egon behar delako. Bihotza ere oso landuta egon behar da, erritmo onean ibiltzeko; odolagaz oxigenoa joaten da eta oxigeno barik, burua ez da konzentratzen.

Kirol honetan konzentrazioa ezinbestekoa da.

Ume batek galdetu dio: Zergatik zaude ortozik?
Erantzun du ohituta dagoela uretan eta areetan ibiltzen eta oinak larregi
berotzen direla zapatiletan sartuta. Oso pertsona bitxia benetan!!!

Surf kirolari buruz bideo bat ipini digu eta asko gustatu zaigu.

Beroketa dela eta, Idoia eta David, berotu eta gero, jantokiko eskenatokian “espagala” egiten ausartu dira. Umeek asko disfrutatu dute irtenaldi horrekin.

Bukatzeko ikasleek lore batzuk eskaini dizkiete kirolari guztiei eta haiek sinatu diete paper edo koaderno batean.

Eskerrik asko hiru kirolari hauei bere esperientzia eta alaitasuna gurekin konpartitzearren.

Tutoreek aldizkaritxo bat prestatu nahi dute; horretarako PUBLISHER programa oso egokia da. Office 2003 edo 2007 an dago. Programa honen bitartez, artikuluak idatzi ahal dira, argazkiak txertatu... Emaitzak oso erakargarriak izaten dira.

Software askeko bertsioa SCRIBUS da, kode zabalekoa (OpenSource) eta gainera doakoa.

Hemen duzue tutorial on bat:

Scribus

Gehiago sakontzeko, prentsa tailerreko koaderno hau irakurri eta aplikatu ahal da:

http://issuu.com/euskaratxingudi/docs/prentsa_tailerreko_ariketa_koadernoa

Hau lana egin dutena 4. mailakoek!!!

Hurrengo pausoa izango litzateke aldizkaria edo egunkaria argitaratzea bertsio digitalizatuan; horretarako, lehen aipatu dudan errekurtsoa erabili ahal da, ISSUU hain zuzen ere. Pdf fitxategia igon eta gero, liburu gisa agertzea aukeratzen da.

Scribd-era ere igo ahal dira dokumentuak. SCRIBD Web2.0ren erreminta bat da eta formatu desberdinetako dokumentuak igo daitezke: word, excel, pdf, ppt...

Lehenengo eta behin erregistratu egin behar da, jakina: Sign up

Ingelerarekin arazoak ditugunontzat, zorionez, itzultzaile on bat dugu :)

http://translate.google.es/